Navigere opp
Logg på
 
 
 
Don leat dás FEFO > FeFo Sámi > Guolásteapmi > Luossabivdu

Luossabivdu

FeFo hálddaša Finnmárkku luossačázádagaid earret:
Deanučázádaga, Álttájoga ja Njávdánjoga. 34 johkalihttoláigoheaddji fuolahit oaggunkoarttaid vuovdima, bearráigeahččama, báikkálaš oaggunnjuolggadusaid, desinfiserema ja heiveheami čázádagain.

 Fuom! Jus áiggut oaggut luosaid, guvžžá dahje vallasa čázáddagain dahje čuožžu reaidduin mearas, fertejit buohkat máksit stáhta guolásteaddjidivada. Mánát ja nuorat vuollel 18 jagi eai galgga máksit guolásteaddjidivada.

Oaggunkoarttat ja oaggunnjuolggadusat

Sullii 50 čázádaga oaggunkoarttat ja oaggunnjuolggadusat leat FeFo 34 johkalihttoláigoheaddji ovddasvástádus. Lihttoláigoheaddjit veahkehit dieđuiguin ja praktihkalaččat oagguma hárrái báikkálaš čázádagain. Geahča: FeFo luossačázádagaid.

Fylkkamánni láhkanjuolggadusat leat Finnmárkku guolásteami olggobeali rámmat. Johkalihttoláigoheaddji sáhttá álggahit gáržžidemiid daid rámmaid siskkobealde. Dat mearkkaša oanidit dahje viiddidit luossaoaggunáiggiid muhtun eavttuiguin, ja ohcat garvit njuolggadusaid. Lea deaŧalaš dovddiidit iešguhtetge čázádaga báikkálaš njuolggadusaide, lassin fylkkamánni njuolggadusaide.

Desinfiseren  

Bisset luossaparasihta Gyrodactylus salarisa !  Fuomáš báikkálaš desinfiserennjuolggadusaid. FeFo geatnegahttá buot lihttoláigoheddjiid desinfiseret buot neavvuid main lea njoammunvárra mat galget geavahuvvot go guolásta ja mat leat geavahuvvon olggobealde fylkka. Johkalihttoláigoheaddjit addet dieđuid bivdoneavvuid desinfiserema birra.  

 
Lihttoláigohanortnet
 

Eará jogaid oaggunriekti lihttoláigohuvvo báikkálaš ovttastusaide ja servviide.  Báikkálaš máhttu ja kultuvra lea mearrideaddji sihkkarastit iešguhtetge joga sierranasvuođa. Finnmárkolága § 26:žis jotkojuvvo ortnet mii lea leamaš 1950-logu rájes, mii sihkkarastá báikkálaš mielváikkuheami.

FeFo háliida maiddái luossajogaid lihttoláigoheami njuolggadusaiguin dahkat báikkálaš hálddašeami nannoseabbon.  Dát máksá ahte lihttoláigoheaddjit sáhttet dahkat iežaset mearrádusaid nu guhká go sii čuvvot almmolaš lágáid ja  láhkanjuolggadusaid. 

Gulahallanolmmoš meahcceossodagas

 

Steinar N.  Christensen

Meahccehálddašeaddji

Bálvalustlf. 78 95 50 00

Mobiilatlf: +47 905 03 329

E-poasta: steinar christensen@fefo.no

Galledanadreassa:

Kirkeveien 20, 9811 Čáhcesuolu 

 
​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​

 
 
 

Finnmarkseiendommen • Finnmárkkuopmodat

Váldokantuvra: Torget, 9700 Leavdnja | Poastaadr: Poastaboksá 133, 9811 Čáhcesuolu | Máksámušadreassa: Finnmarkseiendommen avd. Áltá, Postboks 1609, 9509 Áltá
Org.nr: 989 480 731 | Tlf: 78 95 50 00 | E-poasta: post@fefo.no