Govven: Øyvind Zahl Arntzen

Mátkeealáhusfitnodagat sáhttet ohcat bivdokoarttaid iežas kunddariiida 2024/25 bivdoáigodáhkii. Báikkálaš mátkeealáhusfitnadagat vuoruhuvvojit.

Sádde ohcamuša FeFo neahttasiidduid bokte maŋemusat miessemánu 15 beaivve.

Mii ávžžuhit du geavahit dihtora ohcamuššii.

Lea ráddjejuvvon man ollu bivdokoarttaid sáhttá juohke bivdoguovllus oažžut ja eanet ohccit sáhttet ohcat seamma bivdoguovllus.

Jus áiggut ohcat, de ferte fitnodagas leat organisašuvdnanummar ja vearroduođaštus mii ii leat boarráset go guhtta mánu. Ohcamis ferte almmuhit bivdiid nama, bivdinummira, mátketelefuvdnanummira ja e-poastta maid fitnodat ohcá ja bivdosa áiggi ja báikki.