Stáhtaháddašeadji: https://www.statsforvalteren.no/troms-finnmark/miljo-klima/verneomrader/oppstart-av-verneprosess-for-pasvik/ 

Mii lea eaktodáhtolaš vuovdesuodjalus?

Eaktodáhtolaš vuovdesuodjalus lea ortnet mas vuovdeeaiggádat fállet suodjalit vuovdeviidodagaid main lea alla gáhttenárvu čadnon luonddu- ja biraskvalitehtii. Ortnet lea guovddážis dan mihttomeari ektui ahte suodjalit 10 % Norgga vuovddis.

FeFo rolla ja guovllu geavaheapmi

Mii fálaimet dehálaš vuovdeguovlluid Báhčaveajis eaktodáhtolaš suodjaleapmái 2017:s. Mihttomearrin lea sihkkarastit dehálaš luondduárvvuid stuora oktilaš vuovdeguovlluin Báhčaveajis.
Eanet dieđuid proseassa birra gávnnat dákko: https://www.fefo.no/presserom/pressemeldinger/fefo-stotter-utvidet-vern-i-pasvik-barekraftig-skogforvaltning.9068.aspx 

Mii áigut ain hálddašit guovlluid Finnmárkku ássiid ovddas ja doalahit oamastanvuoigatvuođa. Proseassas lea leamaš mearrideaddjin ahte árbevirolaš ávkkástallan guovllus, nugo bivdu ja guolásteapmi, boazodoallu ja eará meahcásteapmi, sáhttá jotkojuvvot nugo ovdal - maiddái jus suodjalanplána mearriduvvo.

Guovlluid birra

Evttohuvvon suodjalus guoská máŋgga guvlui Báhčaveajis. Suodjalannjuolggadusain leat 53 425 dehkara ođđa suodjeguovllut, 2 396 dehkar rievdadit suodjemeari eanadatsuodjalussuorggis álbmotmeahccái ja 6 046 dehkar heaittihit suodjemeari. Oktiibuot 47 379 dehkara ođđa suodjeguovllut.

Guoskevaš guovllut leat Pasviikka unnimus olahanmuttus vuovdeeatnamat. Guovllut leat rádjeguovllut mat ovdal leat leamaš suodjaluvvon, ja sáhttet addit vel stuorát oktilaš suodjalanguovlluid. Oasi evttohuvvon suodjemeahcis sáhttá gohčodit vuovdemeahccin, ja dat lea stuorimus báhcán guovlu Norggas gos lea dákkár vuovdi.