2026:s leat mii 20 jagi. Ávvojagis áigut mii čalmmustahttit ja nannet báikkálaš áŋgiruššama miehtá Finnmárkku - dan mii buvttiha doaimmaid, searvevuođa ja ássanhálu doppe gos olbmot ásset.
Danne mii vuođđudit “GRUNN til å satse”.
Mis lea ágga áŋgiruššat
Mii hálddašit stuorra osiid Finnmárkku eatnamiin fylkka ássiid ovddas. Min bargu lea áimmahuššat areálaid ja resurssaid - ja láhčit dili geavaheapmái, árvoháhkamii ja eallinnávccalaš báikegottiide, fylkkas gos sápmelaččat, kveanat ja dáččat leat ássan ja leamaš mielde váikkuheamen.
"GRUNN til å satse" nammasaš prošeakta vuođđuduvvá seamma jurdagii: Go olbmot deaivvadit, ásahit doaimmaid ja váldet ovddasvástádusa báikkálaččat, de nannejuvvo suohkan - ja Finnmárku.
Manin loktet joavkkuid ja servviid?
Dávjá leat searvvit ja joavkkut mat fuolahit ahte juoga dáhpáhuvvá - smávit ja stuorit báikkiin, miehtá jagi. Eaktodáhtolaš bargu dagaha deaivvadanbáikkiid, identitehta ja gullevašvuođa, ja olaha dávjá olu unnán resurssaid bokte. Finnmárkkus mearkkaša dat buot, valáštallamis ja kultuvrras gitta searvvahandoaimmaide, olgoáibmoeallimii, eaktodáhtolaš bargguide ja báikkálaš lágidemiide.
“GRUNN til å satse” prošeavttain áigut mii fuomášuhttit sin geat dan dahket - ja váikkuhit dasa ahte buorit álgagat ain sáhttet ovdánit.
Gean ánssáša loktet suohkanis?
Go galgat juksat báikkálaččat, de leat bivdán suohkaniid buktit evttohusaid, go sii dovdet báikkálaš birrasiid buoremusat. Dasa lassin váldit mii áinnas vuostá árvalusaid olbmuin geat orrot dáppe, eaktodáhtolaš bargiin ja earáin geat dovdet gieldda ja háliidit min fuomášuhttit evttohasaid.
Áigemearri buktit árvalusaid: guovvamánu 20. b. 2026.
Sáddejuvvo: kommunikasjon@fefo.no.
Sádde du evttohusa:
- namma ja organisašuvdnanummar
- oktavuohtaolmmoš (namma, e-poasta ja telefonnummar)
- oanehis čilgehus maid sii barget - ja mo sii váikkuhit doaimmaid, searvevuođa ja ássanhálu
Ráddjen: Evttohus galgá leat searvia/joavku (ii gielddalaš doaimmaide ii ge priváhta fitnodagaide).
Juolludeapmi: Jurdda lea juohkit ruđaid rabas doaluin gielddas. Muitte fal muitalit midjiide heivvolaš doaluid, arenaid dahje doaluid birra gos bálkkašumi sáhttá geiget.
Jus leat gažaldagat, váldde oktavuođa servodatoktavuođain Katharina Messy.
Viečča plakáhta (JPG, 2 MB)