FEFO

Gievrudat jávrriid bearráigeahču Finnmárkkus

FeFo ovttasbargá Stáhta luonddubearráigeahčuin (SNO) dárkkistit leat go guosse guollebivdiin oaggunkorta dan geasi.

- Finnmárkkuopmodaga jávrrit gullet Finnmárkulaččaide ja oaggunlobi oaččut eananeaiggádis go lea oaggunkortta. Mii áigut dárkkistit lea go guosse guollebivdiin dat lohpi, lohka Egil Liberg, jávrebivdovásttolaš.

Mii álggiimet kontrolleret mannan vahkku ja dán rádjai lea buohkain leamaš oaggunlohpi.

- Mii leat hui ilus dainna, lohka Liberg.

Kontrollat jotket dan vahkku ja geasi miehta.

Rihkkun njuolggadusaid
2021:s vuvdojuvvo Finnmárkkuopmodagas 5298 oaggunkoartta, eanemusat geasseáigodagas. 56 proseantta oastiin ledje norgalaččat, earát olgoriikalaččat.

- Diimmá bearráigeahčču čájehii ahte máŋggas ledje rihkkon njuolggadusaid, stuorra oassi dain ii lean oaggunkoartta. Mii váldit dan duođalaččat ja sávvat ahte veahkeha go mii leat oidnosis, lohka Liberg.

Jus válddahalat oaggunkoarta hága, don váidojuvvot politiijai, ja sáhkohallat.

Nuvttá oaggut jávrriin Finnmárkulaččaide
Sullii 15.000 ássit Finnmárkkus oggot jávrriin, eai ge dárbbaš oastit oaggunkoartta nu movt eará guovlluin.

- Muhto mii ávžžuhit báikkálaš olbmuid geavahit nuvttákoarta, go dat veahkeha min hálddašeami. Dalle mii sáhtit sihkkarastit buori hálddašeami, bivddu ja vásáhusaid. Dan rádjai ii leat go okta proseantta mii lea dán dahkan, lohka Liberg.

Váldde oktavuoda

Egil Liberg
meahccehálddašeaddji
E-poasta
Telefovdna 78 95 50 00
Mobiltelefovdna 990 14 686