Mearraluossabivddus leat guhkes árbevierut Finnmárkkus, ja dat lea gieldda ássiid sierra vuoigatvuohta, gč. Finnmárkkulága § 22. 

Dál leat eanet go 1600 mearraluossabivdosaji Finnmárkkuopmodagas. Dain ledje 184 saji geavahusas 2024:s, mat juohkásedje 129 guolásteaddjái. Sihke mearraluossabivdosajiid lohku mat leat anus, ja mearraluossabivdiid lohku lea njiedjan garrasit 1990-logu rájes. Nu maŋŋit go jahkái 2020, de ledje sullii 300 guolásteaddji.

1970-logu loahpa rájes leat atlántalaš luossamáddodagat garrasit njiedjan, ja luossa lea vuosttaš geardde bidjon rukseslistui jagis 2021. Atlántalaš luosa márran lea unnon ja lea dagahan ahte ávkkástallanvejolaš badjelbáza lea mearkkašahtti ollu unnon. Sihkkarastin dihte ahte mii olahit gođđanáli mihttomeriid, de ferte luossabivddu muddet, ja johka- ja mearrahálddašeami ferte geahččat fárrolagaid.

Finnmárkkuláhka cealká ahte luossa galgá hálddašuvvot dássedis ja ekologalaččat suvdinnávccalaš vuogi mielde fylkka ássiide buorrin. Luossamáddodaga njiedjan čájeha ahte mii eat leat lihkostuvvan dainna. Danne háliida FeFo gullat rievdadusaid mearraluossabivddu hálddašeamis mat sáhttet mielddisbuktit uhcit vearuheami ja eanet máhtolašvuođa. 

Gulaskuddan lea digitála hámis. Jus dus ii leat vejolašvuohta buktit cealkámušaid elektrovnnalaččat, de sáhtát váldit oktavuođa FeFo:in dán čujuhusa bokte: post@fefo.no dahje 78 95 50 00. Gulaskuddanáigemearri lea ođđajagimánu 15 b.

Dáppe gávnnat gulaskuddanskovi.