Bakgrunn
"Sullii 60 proseantta ollislaš sállašis Leavdnjajogas 2024:s váldojuvvui FeFo eatnamiin. Danne dagahit min reguleremat ahte gáržžidit sakka bivddu čázádagas." lohká FeFo meahcástanhálddašeaddji Markus Stock.
Duogáš evttohusaide geahpedit bivddu, lea go gođđanmearri Leavnnjajogas ii juksojuvvon 2024:s. Váldosivvan dasa lea stuorra váilevašvuohta gođđoluosain, ja danne čađaha FeFo dán gulaskuddama.
Gulaskuddan skovi gávnnat das.
Doaibmabijuid maid mii evttohit sáhttá čoahkkáigeassit ná:
- Maŋit áigodaga álgin
- Árat loahpadit áigodaga
- Beaivekoartta vuovdima geahpideapmi
- Earrereguleren
- Reaidduid ráddjen
- Movttiidahttindoaibmabijut njurjuid, minkkaid ja goalssiid bivdimii
"Gulaskuddamis ovddidit mii iešguđet doaibmabijuid gáržžidan dihte bivddu. Árvalusat maid mii oažžut leat deaŧalaččat go mii árvvoštallat daid iešguđetge doaibmabijuid, ja mo mii árvvoštallat daid. Doaibmabijuid sáhttá čađahit okto, lotnolagaid dahje maŋŋil gaskaáigodat árvvoštallama - ja diehttelasat Birasdirektoráhta rámmaid siskkobealde", joatká Stock.
Evttohuvvon doaibmabijuid vuođđun leat iežamet vásáhusat, ja oaivilat maid oaččuimet álbmotčoahkkimis Leavnnjas skábmamánu 25. b. Geahča álbmotčoahkkima ovdanbuktima (PDF, 4 MB)
Geatnegahtton organiseren
Dál lea jođus proseassa Leavnnjajoga eanaeaiggádiid geatnegas organiserema birra. "Rávvagiid maid oažžut gulaskuddamis, áigut mii maiddái váldit mielde viidáset bargui organiseremis mii lea jođus Leavnnjajogas", dadjá Stock loahpas.
Gulaskudden áigemearri lea ođđajagimánu 15 b. Gulaskuddanskovi gávnnat dás.