Mii leat čađahan juridihkalaš guorahallama mii guoská min eananláigopráksisii. Duogáš lea áigeguovdilis digaštallan viessosajiid árvvuid ja láigodivadiid birra Finnmárkkus.

Danne diŋgui stivra sorjjasmeahttun árvvoštallama advokáhttafitnodagas Hjort AS, čielggadan dihtii lea go dálá geavat nu mo viessosadjeláigohanlágas eaktuduvvo.

Mii čuovvut eananláigolága

Juridihkalaš guorahallan konkludere ahte mii doaibmat lága rámmaid siskkobealde. Eai leat gávdnon moaitámušat dan vuogi ektui movt láigodandivadat mearriduvvo dahje movt láigodansoahpamuš hálddašuvvo.

Muhtun dáhpáhusain čájeha geahčadeapmi  maiddái ahte min geavat lea eanet miehtemielalaš láigoheddjiide go maid láhka gáibida. Mii diŋguimet guorahallama juste danin vai oažžut olggobeale ja sorjjakeahtes árvvoštallama geavadagaid birra.

Don sáhtát lohkat raporta dás.  (PDF, 255 kB)

Galgá go FeFo rievdadit politihka eananláigoheami oktavuođas

Finnmárkkuláhka gáibida ahte mii galgat hálddašit eatnamiid Finnmárkku ássiide buorrin. Dat mearkkaša ahte mii fertet sihke láhčit dili aktivitehta ja ássamii, ja seammás sihkkarastit buori ja vuoiggalaš hálddašeami servodaga opmodagain.

Mii leat measta olles fylkka eanaeaiggádat, ássiid ovddas. Danne fertejit vejolaš rievdadusat láigoortnegis dahkkot dárkilit. Smávva rievdadusaid guhkesáigásaš váikkuhusat šaddet oktiibuot stuorrát.

Mii rahpat vejolašvuođaid gielddaide buktit árvalusaid

Mii juohkit dieđuid árvvoštallama birra, vai gielddat buorebut galget ipmirdit min doaimma. Seammás mii rahpat vejolašvuođa buktit cealkámušaid das mo ovttaskas suohkanat vásihit FeFo doaimmaheami. Suohkaniin lea guovddáš rolla ássan- ja servodatovdánahttimis, ja sin vásáhusat ja árvvoštallamat leat dehálaččat viidáset ságastallamis.

FeFo stivra áigu dán jagi mielde mearridit ahte galgat go rievdadit iežamet láigovieruid, ja dalle kártet makkár váikkuhusat leat jus nu dahkat. Danne rahppojuvvo dál vejolašvuohta buktit cealkámušaid suohkaniin, vai oažžut dieđuid movt suohkanat oidnet FeFo doaimma eanaeaiggátrollas.

Mii muitalit Finnmárkui dieđuid proseassa birra.