Bivdostáhtus (PDF, 602 kB)
Na ozat ealgabivddu
Go ohcanáigi rahpasa, de sáhtát ohcat ealgabivddu inatur.no:s. Ohcci ferte gullat bivdosearvái, mii deavdá čuovvovaš gáibádusaid:
- Bivdojoavkkus galget leat unnimusat njeallje olbmo
- Eanet go bealli bivdojoavkkus oktan bivdojođiheddjiin ferte ássat Finnmárkkus
- Bivdojoavku galgá hálddašit iežas dohkkehuvvon guorranbeatnatjoavvkku mii lea Finnmárkkus
Gitta 60 proseantta juohke gieldda vuođđoearri lea várrejuvvon siskkáldas bivdoservviide.
Maŋŋil ohcanáigemeari čađahuvvo vuorbádeapmi. Bohtosat almmuhuvvojit báikkálaš vuorbádanlágidemiin ja min ruovttusiidduin.
Mun lean ožžon ealgabivddu, maid dál?
Maŋŋel vuorbádeami sáddejuvvojit bivdofálaldat bivdoservviide Stuorviltportála bokte. Bivdojođiheaddji oažžu dieđu SMS bokte go fálaldat lea válmmas. Go fálaldat lea dohkkehuvvon, de sáddejuvvo šiehtadus vuolláičállimii elektrovnnalaččat Poastta bokte álggos bivdojođiheaddjái, ja dasto buot eará bivdiide bivdojoavkkus. Šiehtadusain mildosiin gávnnat visot maid don dárbbašat diehtit ovdal, vuolde ja maŋŋil bivddu:
Viežžat GPX-fiilla mas leat bivdorájat:
Guorranbeanajoavku geat leat bivdojoavkku ealgabivdoohcamis, galget ássat Finnmárkkus.
Bivdojoavku galgá disponeret iežas dohkkehuvvon guorranbeatnaga go ohcá ealgabivdui. Guorranbeana ja beanaeaiggát lea dohkkehuvvon go lea registrerejuvvon Norsk Kennel Klubb (NKK) guorranbeanaregistarii. Beanaeaiggát galgá čállojuvvot ohcamuššii beatnaga ID:in ja beanamieđušteaddji namain. Guorranbeana ii sáhte registrerejuvvot eará go ovtta ealgabivdoohcamuššii. FeFo sáhttá gáibidit ahte guorranbeana ID-skánnejuvvo.
Bivddidettiin galget bivdojoavkkus leat dohkkehuvvon guorranbeana olámuttos dohkálaš áigemeari duohken. Guorranbeana ja -eaiggat rehkenasto leat olámuttos dohkálaš áigemeari duohken jus sáhttá boahtit báhčinbáikái njealji diimmu siste maŋŋá go ealga báhččui. Jus bivdojoavkku guorranbeana ii leat olámuttos ferte joavkkus leat šiehtadus eará guorranbeatnagiin.
Ii oktage oassi guorranbeanajoavkkus sáhte registrerejuvvot guovtti bivdojoavkku vuollái, main leat badjálasti bivdoáiggit.
Lea go dus eará guorranbeana go dat mii čuoččui ohcamušas? Sádde rievdadusa elg@fefo.no eposttii.
Ealgabivddu soahpamuš gusto dušše Finnmárkkuopmodagas, jus ii leat eará šihtton. Jus dáhtut lasihit priváhta eatnama iežat bivdoguvlui, de ferte čállojuvvot šiehtadus gaskal FeFo ja eará vuođđoeaiggáda das, ahte guovlu lahttuduvvo FeFo bivdoguvlui bivddu áigge. Bivdojoavkkus dat lea ovddasvástádus diekkár soahpamuša háhkat.
Loga eambbo ja gávnna šiehtadusmálle dás
Leat go gažaldagat?
Jus dus lea aktiiva bivdofálaldat, de sáhtát:
- Sádde dieđu appas Storvilt
- Sáddet SMS Storviltportálai 58 44 94 34
Ealgabivdotelefovdnii sáhtát riŋget 94 14 09 76. Ealgabivddu áigge lea ealgabivdotelefovdna rabas:
- Juohke beaivve dii 10 - 1530 radjái (vahkkoloahpa maid)
- Dii 20-21 bearjadaga ja lávvordaga
- Juohke eahkedaga áigodagas čakčamánu 25 b golggotmánu 10 b radjái dii 20-21.
Go leat unnán telefovnnat, de mii leat unnidan telefovnáiggi čakčamánu álggus ja golggotmánnui eahkedis. Vaikko telefovdna ii leat doaimmas, de mii vástidit jus válddat oktavuođa Storviltportálas maiddái eahkes.