Oastte muorrasárga Natureit.no
Murrenguovllut main leat gáržžideamit
Go don válljet murrenbáikki natureit.no:s, de oainnát ahte muhtun meahcceguovllut leat várrejuvvon dahje leat ráddjejuvvon murremii. Daidda guovlluide mat gáibidit dohkkeheami, lea áššemeannudanáigi gávcci vahkku.
Ja jus mun háliidan murret eará sajiin?
Mii ávžžuhit du gávdnat muorrasárga natureit.no:s. Jus háliida murret eará sajiin, de sáhttá FeFo erenoamáš dilálašvuođain addit lobi dasa. Ohcan sáddejuvvo čujuhussii post@fefo.no. Vuovdeguovlu galgá merkejuvvot kártii ja biddjot mielde ohcamii. Dakkár ohcamušain leat áššemeannudandivat. Divat galgá máksojuvvot beroškeahttá das movt ášši manna áššemeannudeamis. (Lenke til side med gebyrregulativ).
Bissovaš ásodat:
Juohke dállodoalus sáhttet leat gitta guokte muorrasárgá, maid sáhttá geavahit boaldámuššan dállodollui, jus leat vuovderesurssat ja eai leat eará ráddjejumit. Dat ii fátmmas astoáiggeviesu / goađi. Beassan gusto daidda guovlluide mat leat várrejuvvon muorračuollamii FeFo muorraportálas.
Astoáiggeviessu:
Astoáiggeviesu / goađi / sekundáraviesu eaiggádis sáhttá leat gitta ovtta muorrasárgá geavahussii boaldámuššan astoáiggeviesu / goađi / sekundáraviesu. Beassan lea dakkár guovlluin mat leat várrejuvvon FeFos muorračuollamii mii lea govttolaš gaskka astoáiggeviesu / goađi lahka.
Boazodolliin lea seamma vuoigatvuohta go gieldda ássiin dan áiggi go boazodoallu doaimmahuvvo doppe. Boazodolliin lea vuoigatvuohta nuvttá geavahit muorraávdnasiid, ja dan sáhttá ohcat NatureIT-uskkádagas. Muđui leat dat seamma eavttut go fásta ássiin.
Dasa lassin čuovvu boazodoalu vuoigatvuohta boaldámuššii ja muoraide boazodoallolága § 25.
Vuoigatvuohta gusto guovlluin mat leat várrejuvvon murremii FeFo murrenportálas.
Jo, jus:
- Dus lea astoáiggeviessu Finnmárkus
- Leat doarvái muorraresurssat
Olbmot geat ásset Finnmárkus vuoruhuvvojit go lea vátnivuohta
Don ferte máksit:
- Hálddahusdivaid ja muorrasárgadivaid