Ráinnas mássat
Ráinnas eana- ja čievramássaid gaskaboddosaš vurkema (deponerema) ferte gielda dohkkehit plána- ja vistelága mielde. Dasa lassin fertet FeFo dohkkehit dan, doppe gos FeFo lea eanaeaiggát.
Álttás sáhttá vurket (deponeret) ráinnas mássaid Holmen mássavuorkái (deponiijii). Mátta-Várjjagis gávdno maiddái vurkenfálaldat (deponiijafálaldat) Høybuktmoen mássavuorkkás (deponiijas). Váldde oktavuođa oažžut eambbo dieđuid badjelanu mássaid vurkema birra.
Nuoskkideaddji mássat
Nuoskkideaddji mássaid maid fievrredat eret doaibmaguovllus galggat doalvut dohkkehuvvon vuorkái (deponiijii) dahje gieđahallanrusttegii mas lea lohpi nuoskkidanlága mielde. Maŋŋil go leat jávkadan nuoskkideaddji mássaid galget váldot iskkadeamit guovllus, duođaštan dihte ahte mássat mat leat báhcán eai leat nuoskkiduvvon.
Nuoskkidaneiseváldi (gielda) sáhttá geatnegahttit dan gii vurke (deponere) mássaid čorget láhkavuođu olis mii lea nuoskkidanlágas (§ 37 vuosttaš sátneoassi ja/dahje § 7 njealját cealkkaoassi) jus soames lea vurken (deponeren) mássaid mat eai leat ráidnasat almmá lobi haga nuoskkidanlága mielde. Jus kárten dahje goziheapmi lea dárbbašlaš lobi oktavuođas (Nuoskkidanlága dahje plána- ja vistelága mielde) lea nuoskkideaddji/doaibmabiddji gii galgá máksit dakkár čielggadeami goluid, gč. luonddugirjáivuođalága § 11. Sáhttá maiddái geatnegahttit doaibmabidji atnit divraset dahje áddját teknihkaid eastadan dihte vahágiid luonddugirjáivuhtii.