FEFO

Láigohit bartta?

Háliidivččet go don vásihit Báhčaveaji čáppa meahci? Gjøkvassbu barttas leat guđa olbmui oađđinsajit, ja dat láigohuvvo olggos iNatur.no bokte. Fargga boahtá Ellentjern barta ge láigumassii, ja čavčča rájes go Sortbrysttjern barta lea gárvvisin ođasmahttojuvvon de boahtá dat ge láigumassii seammá portála bokte.   

Fuomáš: Loga Álbmotdearvvašvuođainstituhta ja Helse Norge njoammuneastadeami rávvagiid ovdal go galledat min barttaid.

Barttat leat buorit vuolggasajit sihke bivddu, guolásteami ja eará ge olgodaddanulbmiliid dáfus. Doppe sáhtát maid vázzit beaivetuvrraid min rabas barttaid bokte mat leat guovllus.

FeFo barta Myrbekkoia doaimmahuvvo Birkhusky fitnodagas, Máiddihis Báhčaveajis. Eambbo dieđuid dan barttas gávnnat Birk neahttasiiddus www.birkhusky.no.

Mii áinnas gulašeimmet dus dán skovi bokte mo barttain lea dilli sihke gássa, muoraid ja čorgatvuođa dáfus.

Kárta Báhčaveaji badjel

Barttat Báhčaveaijis

Gjøkvassbu

Aiddo ođasmahtton Gjøkvassbu lea láigumassii ja sáhttá várrejuvvot iNatur.no bokte. Barta lea Gjøkvatnet guoras Báhčaveajis, ja das leat oađđinsajit guđa olbmui. Barta lea ollásit ođasmahttojuvvon jagis 2018 ja das lea savdnji. Ii lea elrávdnji, muhto muorrauvdna ja gássa.

Doaimmat Báhčaveajis: https://www.visitnorway.no/search/?q=pasvik&type=listings&start=0

Geasset goastá biillain bartta lusa meahccebiilaluotta bokte, dálvet ges šaddá čuoigat gitta parkerensaji luhtte. Dávjá manná diekko skohterluodda, das go lea boazodoalu dálveguohtuma siste.

Gjøkvassbu ceggejuvvui Statens Skogeris 1950-logus. Dalle geavahuvvui vuovdehálddašeddjiid orrunsadjin daid áigodagaid go doppe lahkosis doaimmahuvvui vuovdedoallu.

Oktavuođadieđut: 
FeFo
Telefovdnanummar. +47 915 13 277 / 78 95 50 00
E-poasta: post@fefo.no

 

 

 

Sortbrysttjern

Sortbrysttjern barta lea Báhčaveaji álbmotmeahci rája lahka ja Sortbrysttjernet guoras. Olggobeale bartta leat dollasajit sihke šiljus ja jávregáttis, ja sávdnji.

Gaskal Sortbrysttjern ja FV8850 (Pasvikveien) manná 8.8 kilomehtera guhkes meahccebiilaluodda, mii lea rabas geasset.

Barta lea dál ođasmahttojuvvomin. Das šaddet guhtta oađđinsaji. Beaivelatnja ja gievkkan leat dan mađe stuorat ahte dohko ge čágaše muhtinat nohkkat. Ođasmahttinbarggut gárvánit 2020 geasi mielde, ja barta boahtá láigumassii čavčča rájes www.inatur.no bokte. 

 

Ellentjern

Ellentjern lea buorre vuolggasadji tuvrraide Báhčaveajis birra jagi. Ellentjern barttas leat oađđinsajit guđa olbmui, ja vejolaččat vel guokte-golbma lovttas. Dáppe gávnnat čáppa šilju meahccebiilaluotta geažis Ellenjávrri ja Ellenjoga gáttis.

Bartta šillju lea olu geavahuvvon, erenoamážit dávjá fitnet loddeberošteaddjit ja luonddugovvideaddjit ja Finnmarksløpet:s lea leamaš bisánansadji dáppe. Šillju lea ovdal leamaš Ellentjern AS fitnodaga hálddus, muhto sáhttá fas láigohuvvot FeFo:s www.inatur.no bokte geassemánu gaskamuttu rájes 2020.

Beassan:
Guođát fylkkageainnu FV8850 Vaggatema bokte. Doppe manná guokte kilomehtera guhkes meahccebiilaluodda, mii lea rabas geasi.

Ellentjern jan henrik hætta   

    

Myrbekkoia

Myrbekkoia lea Myrbekken guoras ja das leat gitta 13 oađđinsaji ja sávdnji. Bartta lea meahccebiilaluotta guoras ja geasset beassá dohko biillain. Dálvet sáhtte čuoigat dahje skohteriin vuodjit rabas skohterluotta ráigge. Lea maiddái vejolaš fidnet eará sáhtu BIRK Husky fitnodaga bokte. 

 

Oktavuođadieđut:
BIRK Husky AS
Telefovdnanummar: +47 909 78 248
E-poasta: post@birkhusky.no
www.birkhusky.no
Facebook

Fálaldagat Báhčaveajis:  https://www.visitnorway.no/search/?q=pasvik&type=listings&start=0

 

 

Váldde oktavuoda

Kate Persen
Jodiheaddji ealáhusossodat
E-poasta
Telefovdna 78 95 50 00
Mobiltelefovdna 915 13 277