-Stivra lea hui čielggas das, ahte ruoššaluosaid vuosttaldeapmi lea eiseválddiid ovddasvástádus. Norggas lea riikkaidgaskasaš ovddasvástádus atlántalaš luondduluosain, ja jus mii eat vuostálastte ruoššaluosa de jápma luondduluossa. Dát lea stáhta ovddasvástádus, lohká FeFo stivrajođiheaddji, Geir Thrane.

Ruđat mat dál leat juolluduvvon, galget geavahuvvot čađahit sihkkarvuođakurssaid lihttoláigoheddjiide, oastit geavahusávdnasiid ja nannet FeFo doaimmaid čázadagain. Dasa lassin manná oassi ruđas doarjjaortnegii mii guoská doarjagii ruoššaluosaid eastadeapmái.

- Min lihttoláigoheaddjit leat háhkan ollu gelbbolašvuođa dán suorggis ja barget hui áŋgirit dáistaleamis ruoššaluosaiguin. FeFo galgá leat oinnolaš ja árjjalaš eanaeaiggát, ja mii sávvat ahte doarjja čalmmustahttá dán ja addá earu sidjiide geat leat ovddimuččas, loahpaha Thrane