Máŋga luossajogain Finnmárkkuopmodagas lea guhkes lihttoláigohistorjá. Eanaš lihttoláigosoahpamušat leat jotkojuvvon áigodahkii 2025-2034.
Giitu barggu ovddas
Davvenjárga JFF (Stránddajohkačázadat), Tømmervikforeninga (Tømmervikelva), Smiervuona gilisearvi
(Smiervuonjohka) ja Gáiddošjoga ja Fállejoga eanaeaiggátsearvvit eai leat ođasmahttán
lihttoláigosoahpamuša. Mii giitit sin barggu ovddas. Seammás giitit Unjárgga JFF barggu ovddas maid
lehpet bargan Njiđggujogas ja Ođđajogas, ja Gáŋgaviikka JFF barggu ovddas maid lehpet bargan
Donjevuonjogas.
Njiđggujogas lea ođđa lihtoláigoheaddji, ja mii sávvat Njiđggujoga guolástussearvái bures boahtima
lihttoláigoheaddjin. Mii leat gulahallame báikkálaš servviin lihttoláigohit Ođđajoga, muhto dás ii leat vel
visot sajis. Donjevuonjohka lea giddejuvvon guolásteapmái, ja lea ge sivvan manne Gáŋgaviika JFF ii leat
háliidan ođasmahttit lihtoláigosoahpamuša.
Mii háliidit maiddái giitit daid lihtoláigoheddjiid geat jotket bargguin. Vuordit ain buori ovttasbarggu!
Dán tabeallas oainnat lihtoláigoheddjiid.
Njuolggadusaid mudden
Lihttoláigu njuolggadusat leat veaháš rievdaduvvon. Lea erenoamážit okta cealkka ođđa njuolggadusain
mii lea dagahan eahpesihkarvuođa min lihttoláigoheddjiide. Cealkka lea kapihttalis 2.1a koartavuovdima birra, ja lea mihttejuvvon das:
Lihttoláigoheaddji lea geatnegahtton vuovdit bivdokoarttaid FeFo eatnamiin. Bivdokoarttat gustojit
dušše Finnmárkkuopmodahkii. Lihttoláiguheaddji galgá geavahit digitála koartavuovdinvuogádaga
masa FeFo beassá sisa. FeFo sáhttá gáibidit beassat válljet koartavuovdinvuogádaga.
Máŋga min lihttoláigoheaddjit leat ovttasbargan priváhta eanaeaiggádiiguin viiddidan dihtii bivdogaska
maid sii fállet čázádagas ja oččodan dihtii oktasaš bivdonjuolggadusaid. Dákkár ovttasbargu sáhttá
joatkašuvvat, muhto ii sáhte vuovdit bivdokoartta mii lea gustojeaddji sihke Finnmárkkuopmodagas ja
priváhta opmodagas.
Njuolggadusat oaggunkoarttaide Finnmárkkuopmodagas ja priváhta eatnamiin
Sivvan rievdadussii leat momsanjuolggadusat. FeFo lea luvvejuvvon momssas meahccebuktagiin
Finnmárkolága bokte, muhto luvven gusto dušše Finnmárkkuopmodahkii. Jus priváhta opmodat gullá
guvlui gos oastá bivdokoartta, de ferte oasti máksit momsa ja bivdokoartahaddi loktana 25 proseanttain.
Lea dehálaš čujuhit ahte lihttoláigoheaddjit eai leat sivvan rievdadeapmái. Mii sávvat ahte dát čilge
manne lihttoláigoheaddjit leat šaddan heaittihit dákkár ovttasbargoortnegiid.