Vurke báhčingeahččaleami Storviltportalenii.  Buot bivdojoavkku miellahtut sáhttet logget sisa bankID:in. .Jus dus lea báhčinreaidu "Mu bivdodokumeanta"-áppas, de sáhtát viežžat šearbmagova báhčingeahččaleamis - mas čuožžu báhčinbeaivi - mobiltelefovnnas.

Bivdit sáhttet ieža vurket báhčingeahččaleami, ja bivdojođiheaddji sáhtta vurket sihke iežas báhčingeahččaleami ja earáid bivdojoavkkus.  

Buohkat geat áigot bivdit ealgga Finnmárkkuopmodagas fertejit duođaštit ahte leat ceavzán báhčingeahččaleami ovdal:  

• borgemánu 17. b. jus áiggut bivdit Kárášjogas ja Guovdageainnus, doppe álgá bivdu čakčamánu 1. beaivvi.  
• čakčamánu 7. b. ealgabivdiide geat álget bivdit čakčamánu 25. b.

Viežžat GPX-fiilla mas leat bivdorájat:

• Logge sisa storviltportalen.no
• Gávnna kártta ja raba dan
• Deaddil «Last ned (GPX)

Guorranbeanajoavku geat leat bivdojoavkku ealgabivdoohcamis, galget ássat Finnmárkkus. 

Bivdojoavku galgá disponeret iežas dohkkehuvvon guorranbeatnaga go ohcá ealgabivdui. Guorranbeana ja beanaeaiggát lea dohkkehuvvon go lea registrerejuvvon Norsk Kennel Klubb (NKK) guorranbeanaregistarii. Beanaeaiggát galgá čállojuvvot ohcamuššii beatnaga ID:in ja beanamieđušteaddji namain. Guorranbeana ii sáhte registrerejuvvot eará go ovtta ealgabivdoohcamuššii. FeFo sáhttá gáibidit ahte guorranbeana ID-skánnejuvvo.

Bivddidettiin galget bivdojoavkkus leat dohkkehuvvon guorranbeana olámuttos dohkálaš áigemeari duohken. Guorranbeana ja -eaiggat rehkenasto leat olámuttos dohkálaš áigemeari duohken jus sáhttá boahtit báhčinbáikái njealji diimmu siste maŋŋá go ealga báhččui. Jus bivdojoavkku guorranbeana ii leat olámuttos ferte joavkkus leat šiehtadus eará guorranbeatnagiin.

Okta beanaeaiggat dahje guorranbeana, ii sáhte registrerejuvvot guovtti bivdojoavkku vuollái, main leat badjálasti bivdoáiggit.

Lea go dus eará guorranbeana go dat mii čuoččui ohcamušas? Sádde rievdadusa elg@fefo.no eposttii.

• Bivdojođiheaddjis lea ovddasvástádus áicon ealga dieđihit. 
• Deavdde áicon ealgga beaivválaččat, maiddái daid beivviid ovddas goas ehpet áicca ealgga. Deavdde áinnas vuos bábirskovi (PDF, 432 kB) ja bija dasto dieđuid Storvilt áppii go joavddat ruoktot.
• Buot áicamat ealggain bivddu áigge galget dieđihuvvot. Jus ovdamearkka dihtii golbma bivdi oidnet dan seammá ealgga, de galgá dat registrerejuvvot golbma áican. Maiddái jus okta bivdi áica seammá ealgga eambbo go oktii ovtta beaivvis, de galget buot dat áicamat reigistrerejuvvot sierra áican.  
• Báhččon ealggat galget maiddái dieđihuvvot áicon ealgan.
• Galgabehtet dušše dieđihit ealggaid maid áicabehtet bivddudettiin. Jus mat ovdamearkka dihtii oainnát ealgga go leat biillain jođus iežat bivdoguvlui, de it galgga dan dieđihit. 
• Jus guokte bivdojoavkku leat bivdimin ovttas de galgá áicon ealga registrerejuvvot dan bivdoguovllus gos áicojuvvui. Muitet buohtalastit registrerema ovttasbargi bivdojovkkuiguin. 

Ná dieđihat Storvilt áppain
Áicon ealgga ii sáhte eará go bivdijođiheaddji dieđihit. Vállje Sett vilt ja dieđit áicon ealggaid daid beivviid ovddas goas lehpet bivdán. Gárve dieđiheami deaddilemiin Send inn jaktdag. Sáddejuvvon áicamiid ii sáhtte divodit.

Áicon ealggaid sáhttát maid regstreret Hjorteviltregistaris. Doppe sáhtte maid divodit dan mai leat dieđihan áppa bokte.

Bivdiidsearvi sáhttá váldit mielde ođđa bivdiid sihke ovdal ja bivddu vuolde. Ođđa bivdiid válddat sisa Storviltportála dahje Storvilt-áppa bokte. Deavdde ođđa bivdi bivdonummira (ii 0 ovdal bivdinummira), goarggu, poastanummira ja riegádanbeaivvi. Dieđut galget leat riekta.

Ođđa bivdit sáhttet bivdit go bivdodivat lea máksojuvvon, báhčingeahččaleapmi lea vurkejuvvon ja bivdojođiheaddji oažžu duođaštusa ahte lea lihkostuvvan registreret iežas.

Gáibiduvvo ahte eanetlohku bivdosearvvi miellahtuin, oktan bivdojođiheddjiin, galget ássat Finnmárkkus, dahje gielddas jus bivdojuvvo násteguovlluin. Dát gáibádus galgá ain devdojuvvot vaikko válddat ođđa bivdiid  mielde bivdui.

Bivdi ii sáhte sirdit ovtta bivdojoavkkus nubbái ovdalgo vuosttaš joavku lea geargan bivdimis.

Áiggut go váldit bivdi eret bivdojoavkkus? Váldde oktavuođa FeFo:in.

Ealgatelefovdnii sáhtát riŋget ealgabivdoáigodagas gaskkal 10 ja 15.30, ja gaskkal 20 ja 21. Riŋge 941 40 976 (Oarje-Finnmárku) dahje 948 36 628 (Nuorta-Finnmárku).

Ealgabivddu soahpamuš gusto dušše Finnmárkkuopmodagas, jus ii leat eará šihtton. Jus dáhtut lasihit priváhta eatnama iežat bivdoguvlui, de ferte čállojuvvot šiehtadus gaskal FeFo ja eará vuođđoeaiggáda das, ahte guovlu lahttuduvvo FeFo bivdoguvlui bivddu áigge. Bivdojoavkkus dat lea ovddasvástádus diekkár soahpamuša háhkat. 

• Njuolggadusat ohcamuša ja soahpamuša hárrái. (PDF, 120 kB)
• Soahpamuš (PDF, 140 kB)
• Soahpamuša mielddus 1 - ollislaš njuolggadusat (PDF, 157 kB)soahpamuš (PDF, 157 kB)
• Soahpamuša mielddus 2 - njuolggadusat (PDF, 121 kB)vihkken (PDF, 121 kB)
• Ráŋggaštusat jus ealgabivddu njuolggadusat rihkkojuvvojit (PDF, 127 kB)

Bivdoguovllut, bivdoáigi, earri ja vuođđohattit (PDF, 234 kB)

• Meroštit ealgga agi
• CWD-dávda
• Ruoná ealga
• Ealgabivddu njuolggadusat