Mii fállat nuvttá bivdokoartta ássangielddas buot ođđa bivdiide. Koartta oaččut FeFos. Skuvlaoahppit, studeanttat ja soahtebálvalusgeatnegasat Finnmárkkus rehkenasttejuvvojit ássin suohkanis gos leat studeremin / bálvalusgeatnegasvuođas.  

Áigodatkoarta vuosttaš bivdui

1. Dus ferte profiila NatureIT siiddus. Ráhkat profiilla NatureIT. 
2. Deavdde dieđuid NatureIT siiddus.  Fertet máksan bivdodivaid ovdalgihtii. Čále kommentáraruktui jus don leat skuvlaoahppi, studeanta dahje suodjalangeatnegas Finnmárkkus.
3. Oaččut dieđuid koartta birra e-boasta bokte. 

Bivdit mat leat vuollel 20 jagi mat ásset Finnmárkkus ožžot 80 proseanta vuoliduvvon hatti

• áigodatkoartas ássangielddas
• áigodatkoartas Finnmárkkuopmodagas. 

Rievttes haddi boahta go diŋgot. 

Oahppit, studeanttat ja sii geat leat bálvalusas leat ássit dan gielddas gos vázzet skuvlla/leat bálvalusas,

Juohkehaš gii bivdá smávvafuođđariid ferte leat 16 jagi boaris ja čađahan bivdogeahččaleami.

Buohkat geat devdet 14 jagi kaleanddarjagis ja gitta 16-jahkásažžan sáhttet ain oassálastit smávvafuođđobivdui bissuin ja oassálastit meahcceminkkaid, nehtiid, rievssahiid ja gárjjaid bivdimii hárjehallanulbmiliidda go

• lea vánhemiid dahje fuolaheaddjiid mieđiheapmi
• lea bearráigeahču vuolde olbmos gii lea deavdán 20. Bearráigeahčči galgá leat bivdán ja máksán bivdodivada unnimustá golbma jagi. Bearráigeahču ovddasvástideaddji galgá máhttit stivret ja instrueret dan olbmo geas lea sáhka.

Juohkehaš guhte lea čađaheame dákkár bivdo skuvlejumi, ii dárbbaš máksit bivdodivada. Smávvfuođđobivddu hárjehallanbivddu áigge ii dárbbaš čađahit bivdogeahččaleami. Bearráigeahččis ferte leat bivdokoarta ja leat aktiveren koartta bivdui mii gáibida dan. Hárjehallan olmmoš bivdá bearráigeahčči beaivválaš ja áigodatlaš kvohta.

Loga eanet Lovdatas bivddu birra.