Ovttasráđiid Norgga luonddudutkan instituhtain (NINA) ja Romssa universitehtain čađaha FeFo resursaávkkástallaneksperimeantta Finnmárkkuopmodagas loguiguin meroštallat bivddu váikkuhusaid ja movt dat rievddada rievssathivvodagaid sturrodaga, dálkkadaga ja eará šlájaid oktavuođa mielde ekovuogádagas. 

Ulbmil geahččalemiin lea sihkkarastit buori, máhtolašvuhtii vuođđuduvvon ja boahtteáigái heivehuvvon rievssatnáliid hálddašeami Finnmárkkus. Čuovvovaš bivdoguovllut leat mielde geahččaleamis: 

• KAU7A Mierovárri – Ráddjejuvvon galle koartta juohke beaivái nugo ovdal, rájáhis bivdobeaivvit oktiibuot juohke bivdoáigodagas   
• KAU10 Čunučearru – Várrejuvvon bivdiide geat ásset Finnmárkkus 
• KAU26 Spalloaivi – Bivdu nugo ovdal lea ráddjejuvvon galle goartta juohke beaivvi ja áigodaga 
• HAM8 Sennalandet – Ráddjejuvvon galle koartta juohke beaivái nugo ovdal, rájáhis bivdobeaivvit oktiibuot juohke bivdoáigodagas 
• POR2 Kjæs – Bivdu nugo ovdal lea ráddjejuvvon galle goartta juohke beaivvi ja áigodaga 
• POR11A Leirpollen – Várrejuvvon bivdiide geat ásset Finnmárkkus 
• NES1 Rasjok – Várrejuvvon bivdiide geat ásset Finnmárkkus 
• NES2 Bergeby – Bivdu nugo ovdal lea ráddjejuvvon galle goartta juohke beaivvi ja áigodaga 
• VAD2 Vadsø – Ráddjejuvvon galle koartta juohke beaivái nugo ovdal, rájáhis bivdobeaivvit oktiibuot juohke bivdoáigodagas 

 Geahččaleami muddemat gustojit doaisttážii áigodahkii 2025/26.

Ny kunnskap skal bidra til framtidens rypeforvaltning - Bærekraftig og livskraftig Finnmark