FeFo eaiggáduššá meahccebiilageainnuid Báhčaveajis Mátta-Várjjagis ja Anárjoga guora Kárášjoga gielddas, buot geainnuin lea vuolgga ovddeš meahccedoaimmain. Báhčaveajis geavahit muhtin luottaid ain vuovdedollui, muhto buot luottaid geavahit báikki olbmot, bivdit, guolásteaddjit, bartaolbmot, tuvrraolbmot ja earát.  Meahccebiilageainnuin galgá dušše leat dárbbašlaš bearráigeahčču. Muohttaga suddadettiin ja go lea olu njuoskkadat dollojuvvojit geainnut gitta bommain.  

FeFo galgá dohkkehit merkemiid, deallebidja ja šaldeceggema ja eará álkis doaimaid álggaheapmái álkidan dihte johtaleami ruvttuid mielde ja tuvrabálgáin Finnmárkkuopmodaga badjel. Dakkár doaimmaide ráhkaduvvo eananeaiggátjulggaštus.

Jus FeFo galgá sáhttit meannudit ohcamiid beaktilit ja Finnmárkkulága mielde, leat mii sorjavaččat čielga ja eahpitkeahtes dieđuin doaimma birra.

Ohcanskovvi

FeFo galgá dohkkehit heivehemiid meahcástallamii dego goavdehuksemiid dahje bassinvisožiid ja eará barttaid ceggema Finnmárkkuopmodahkii.  Dakkár doaimmaide ráhkaduvvo eananeaiggátjulggaštus, ja visttiide mat leat eambbo barttaid sullásaččat ráhkaduvvo eanaláigošiehtadus.

Ohcanskovvi