Finnmárkkuopmodat galgá álgovuođus háldejuvvot nugo gieldda dohkkehuvvon areálaplánat muitalit. Don fertet danne iskat leago du ohcan gustojeaddji plánaid mielde ovdal go sáddet ohcama FeFo:i.

Stuorit prošeavttain sáhttá gielda dahje FeFo gáibidit ahte ráhkaduvvo regulerenplána ovdal go huksensadji juolluduvvo. Sáhtát dalle ohcat mis opšuvdnašiehtadusa vuorddedettiin ahte regulerenplána ráhkaduvvo.

Dieđut opmodatovdánahttima birra

Sáhtát ohcat lassiareála FeFo iežat huksensadjái. Guovllu gustojeaddji areálaplánastáhtus ja dilli ránnjáopmodahkii addá láidestemiid dasa mii lea lobálaš.

Jus FeFo lea positiivvalaš viiddideapmái, sáhttit mii eaŋkildáhpáhusain vuovdit smávit areálaid lassin. Molssaevttolaččat sáhttit ásahit ođđa láigoeatnama jus viiddideapmi lea stuoris. Sáhttit dahkat konkrehta árvvoštallama juohke dáhpáhusas.

 

Láigolaš sáhttá cealkit eret huksetkeahtes láigoeatnamiid. FeFo ii mávsse juolludeami goluid maŋás.

Huksensajiid maiddá lea huksejuvvon ferte sirdit ođđa eanaláigolažžii, dahje jávkadit.

Eanaláigohanrievtti rihkkun lea eretcealkinágga. Seamma guoská sohppojuvvon šiehtadusheaittihemiide (huksenáigemearit ja dakkáraččat).