1.  Oakko cogiin, gokko hálla, njárggaid, nuriid ja luovttaid láhka. Geahča kárttás gokko lei heivvolaš oaggut. 

2. Geavat rávdobastte jus leat rávdut jávrris. Geavat áinnas čuovgga mii hástala rávddu. Váldde mielde mormyska. Dat lea dápmohii bivnnut, muhto hástala maid rávddu.

3. Geavat rukses ja vilges čurotmáđuid. Áhkárguolli, reahka ja vilgesvuostá doaibma maid. Jus čuohpastat bihtá rávddu vilges vuovddas, sáhtát dan maid atnit seaktin. 

4. Buorre oaggunáigi lea árra iđit. Rávdu lihkada ovdalgaskabeaivvi ja árra maŋŋegaskabeaivvi. Beaivet ii láve nu buorre bivdit, muhto dalle lea fiinnis njakčát jieŋa alde. 

5. Divtte bastte dahje mormyska gahččat bodnái jeavddalaččat jus ii dohppe. Rávdu šaddá sahkki go botnesáddot ja divrrit govddodit čázis. Ja go bastte ja čurotmáđut de bohtet oidnosii, ii leat go vuordit gelddolašvuođas.

6. Ii go vel dohppe? Geahččal iešguđetlágan lihkastagaid. Muhtomin ferte garrasit ja jođanit lihkadit, ja muhtomin lea fas buoret doallat oaggunávdnasa jaska. 

7. Jus guolli ii oro lihkadeame, de fertet don lihkadit. Bovre eambbo ráiggiid ja oakko dain.

8. Jus lea dápmotjávri, geahččal oaggut coahkásis ja divtta ávdnasa čuožžut. Dápmot lea várrugas ja ballá jođánit stuora rávdobasttes.  Jus leat dápmoha oaggumin, geahččal máđu ja mormyshka.

9. Jus lea čiekŋalis jávri, ale oakko dušše botnis, lokte vuokka veaháš. Erenoamážit giđđadálvvi lávejit guolit leat njuolga jieŋa vuolde ohcame biepmu.

10. Rahkat jiena. Bija gitta ávdnasa mii ráhkada jiena. Jietna geasuha sáhkkes guliid. 

Muitte sihkkarvuođa. Jus oakkut giđđadálvve, dahje jávrriin maid fápmorusttegat gurrejit, leage várrugas, geahča leat go suttit ja  leage áicil čáhppes dielkkuid jieŋa alde. Iskka varsom.no.

Buorre bivdu!