Lea olu mii lea dehálaš go leat tuvrras, muhto jus mun lean oaggumin sniiggáriin ja doppe orru dohppeme, dalle in beroš dolas, gáfes, márffis dahje návddašit beaivváža.  

Go njágan olggos oađđinseahkas, dálle iskkan ovttatmano sniiggára!

Jus mus lea lihkku, kánske mun oaččun rávddu iđitborramuššan?

Oagguncavgileamit
Mun vásáhus lea ahte ferte heivehit oaggunreaidduid das makkár guoli háliidat goddit. Rávdu liiko čuovggaid mat šerret, muhto dainna fas baldá dápmoha.

Vuogga mas lea máhtu, lea buoremus jus áiggut sniiggáriin bivdit dápmoha. Jus háliidat ahte stuora dápmot galgá dohppet, dalle fertet smiehtastit ovdal go luoitát čuovgga. Jus lea sihke rávdu ja dápmot jávrris, dalle sáhtát goappaš vugiid iskat ja lea go erohus.

Go mun bijan sniiggára láven duorggu bidjat rissái gitta, ja jus lea veaháš biegga, de leat unna lihkastagat vuokkas. Rissi veahkeha maid ahte ii botke duorggu jus stuora guolli dohppe.

Mun láven maid heŋget smávva biellu rissái, vai gulan jus dohppe.  Lea gelddolaš oaggut go fertet guldalit maid. Muhto jus lea veaháš biegga, dalle ii láve biellu šat gullot go luonddu jienat hávkadit biellu jienaid. De ii leat go čuovvut mielde lihkada go rissi.

 
Gelddolaš vásáhusat 
Lea sihke gelddolaš ja vuogas velohallat ja geahččat rissi, ja de fáhkka oaidnit ahte lea njuolgan. Dalle mun njuiken bajás ja dohppen oaggunreaiddu, nagodan go geassit guoli rutnis bajás, vai ribahan go mannat? Mo dal manaš, go guolli lea oidnon, de ii leat álkit vuolgit.

Rapportere sállaša
Mii háliidit áinnas gullat mo manai ja lea buorre jus deavddát sálašraporta. Finnmárkulaččat oggot nuvttá jávrriin, ja don oaččut nuvttá oaggunkoartta ja sáhtát raporteret du sállaša. Mii sávvat ahte raporteret, go dat veahkeha min diehtit olu aktivitehta lea Finnmárkkuopmodagas. Ráhkat profiilla www.natureit.no siiddus ja gávnna nuvttá oaggunkoartta Finnmárkku ássiide. 

NatureIT appa
Salašrapporteren lea álki appa bokte, don gávnnat dan Play Butikk dahje App Stores.