Bivdobeanahárjehallan, bivdobeanageahččaleapmi ja beatnaga dápmun ii galgga geavvat eananeaiggáda lobi haga. Buot Finnmárkku ássiin lea lohpi hárjehit bivdobeatnaga Finnmárkkuopmodagas. Sii geat ásset olggobealde Finnmárkku fertejit oastit sierra beatnahárjehankoartta. Koarta ii gusto bákkolaš veaddináiggi siste.

Áigodat- ja beaivekoarta smávvafuođđobivdui gusto maiddái beanahárjehallanlohpin koartta áigodagas ja guovllus. Finnmárkkuopmodaga ealgabivdiin lea maiddái lohpi luoitit beatnaga. 

Bohccot guhtot sullii 80 proseantta Finnmárkkuopmodaga eatnamiin. 

Nibio.no:as gávnnat čakčaguohtunguovlluid. Doppe gávnnat maid eará dieđuid boazodoalu birra, nu go johttingeainnuid.

FeFo bivdá olbmuid leat erenoamáš várrogas beanageavahemiin boazodoalloguovlluin, geahča beanalága § 7 ja boazodoallolága § 65.

Vánddardannjuolggadusat boazodoalloguovlluin

• Váldde vuhtii veaddingeatnegasvuođamearrádusaid. Oahpásnuva báikkálaš beanaláhkanjuolggadusaide. 
• Go fuomášat bohccuid, čuorvvo beatnaga iežat lusa ja bija báddái jus lea dárbbašlaš. 
• Vuhttojit go bohccot? Leage áicil – guovllus leat bohccot. 
• Oainnát go bohcco? Leage áicil – doppe leat jáhkkimis eanet bohccot lahkosis. 
• Oahpa boazodoalu birra mii lea dan guovllus gos don vánddardat. 
• Daga juoidá vai du beana ii beroš bohccuin. 
• Govčča boazoverráha jus leat ieš rahpan dan. 
• Dieđit politiijaide tlf. bokte 02800 jus fuomášat lápmahuvvan dahje jápmán bohcco. 
• Váldde oktavuođa Romssa ja Finnmárkku stáhtahálddašeddjiin tlf. bokte 78 95 03 00 eanet dieđuid boazodoalu birra. 

Giitu go válddát vuhtii bohccuid go vánddardat Finnmárkkuopmodagas.