• Stivras leat guhtta olbmo geat ásset Finnmárkkus ja jođihit FeFo. Govat imageshop
• Romssa ja Finnmárkku fylkkadiggi  ja Sámediggi  válljeba golbma miellahtu goabbáge.
• Stivra vállje ieš jođiheaddji.
• Stivra bargá aktiivvalaččat FeFo strategiijaplána mielde, mii galgá leat vuođđun boahttevaš jagiid doaimmaide ja sisaboađuide
• FeFo bargiin lea sierra áirras mas lea čoahkkin- ja hupmanriekti stivraáššiin, mat gusket bargiid riektedillái.
• Stivračoahkkimiid ja beavdegirjjiid gávnnat čoahkkinplánas
• Beavdegirjjit áigodagas 2006 - 2018

​

FeFo bargit

Geahča FeFo strategalaš plána (PDF, 4 MB)

• Bearráigheahččanlávdegoddi mas leat golbma miellahttu Stáhtas, Sámedikkis ja Finnmárkku fylkkadikkis goziha stivrra doaimmaid. 
• Bearráigheahččanlávdegoddi buktá jahkásaččat dárkkistandoaimmas raportta iežas gulli orgánaide oktan iežas árvvoštallamiin stivrra jahkedieđáhusas.
• Bearráigeahččandoaibma gusto dušše dasa mii lea namuhuvvon § 16 nuppi lađđasis. Logahallan galgá leat dievaslaš. Bearráigeahččanlávdegoddi lea okta FeFo siskkáldas orgánain, ja ii daga bargguid mat leat vuođđuduvvon váidalusaide dahje eará olggobeale beliide. Lávdegoddi ii sáhte ođđasit árvvoštallat leago stivra dahkan mearrádusa " jierpmálaččat " dahje " ulbmillaččat ". Áššiin main ovttaskasat dahje earát eai leat ovttamielas stivrra dahkan dahje Finnmárkkuopmodaga hálddahusa delegerejuvvon dahkan mearrádusain, de galgá formála ođđasit meannudeapmi vejolaččat dahkkojuvvot duopmostuoluin.

Finnmárkkuopmodaga (FeFo) bearráigeahččanlávdegotti njuolggadusat

Dáid njuolggadusaid lea FeFo bearráigeahččanlávdegoddi ieš ráhkadan. Ulbmil lea konkretiseret lávdegotti bargamušaid Finnmárkkulága § 16 vuođul. Bearráigeahččanlávdegotti rolla ferte geahččat stivrra rolla ektui nugo dat lea Finnmárkolágas § 7 mielde. Finnmárkkulága § 9 vuosttaš lađđasis boahtá ovdan ahte FeFo hálddašeapmi gullá stivrii, mii mearkkaša ahte stivra lea bajimuš orgána mas lea gelbbolašvuohta dahkat mearrádusaid doaimma oktavuođas.

Mearriduvvon geassemánu 15 b.

1. Bearráigeahččanlávdegotti ulbmil

Bearráiggeahččanlávdegoddi galgá gozihit FeFo stivrra doaimma ja bearráigeahččat ahte FeFo jođihuvvo Finnmárkkulága ja eará láhkamearrádusaid mielde. Bearráigeahččanlávdegotti váldi ja bargamušat čuvvot finnmárkkulága § 16.

2. Čoahkádus ja válljen

Bearráigeahččanlávdegottis galget leat golbma lahtu ja golbma várrelahtu, ja sii galget leat válljejuvvon finnmárkkulága § 16 vuosttaš lađđasa njuolggadusaid mielde.

3. Bargamušat ja váldi

Bearráigeahččanlávdegotti váldobarggut finnmárkkulága § 16 nuppi lađđasa mielde leat:

• bearráigeahččat ahte stivrra doaibma soahpá lága njuolggadusaide
• válljet ovtta dahje eanet stáhtaautoriserejuvvon revisora dárkkistit FeFo rehketdoalu
• dohkkehit FeFo jahkerehketdoalu, jahkedieđáhusa ja revišuvdnadieđáhusa
• dohkkehit stivra bálkkáid
• dohkkehit loatnaváldima ja dáhkádusaid
• dohkkehit badjebáhcaga juohkima

Lávdegoddi ii galgga doaibmat váiddaorgánan stivrraid dahje hálddahusa doaimmaide, muhto galgá bearráigeahččat bajit dási doaimmaid. Dan oktavuođas sáhttá bearráigeahččanlávdegoddi čujuhit áššiide mat čatnasit dohkálaš áššemeannudanmeannudeami gáibádusaide.

4. Áššemeannudeapmi ja čoahkkindoaibma

Lávdegoddi galgá doallat unnimusat golbma čoahkkima jagis, dađi mielde makkár dárbu lea ja man ollu čoahkkimat stivrras leat jagis. Lávdegoddi deaivvada revisorain geassemánus juohke jagi, ja stivrrain fas ovdal juovllaid juohke jagi.

Unnimusat guokte lahtu galget leat sajis ovdalgo bearráigeahččanlávdegoddi lea mearridanválddálaš, muhto galgá geahččalit sihkkarastit ahte buot golbma lahtu leat sajis. Go leat sierramielalašvuođat, de eanetlohku mearrida. Spiehkastat guoská mearrádusaide mat gusket loatnaváldima dohkkeheapmái, dáhkádussoahpamušaid dohkkeheapmái ja badjebáhcaga juohkimii, go gáibiduvvo ovttajienalašvuohta.

FeFo hálddahus doaibmá bearráigeahččanlávdegotti čállingoddin, ja fuolaha gohččuma čoahkkimiidda, ráhkada čoahkkingirjji juohke čoahkkimis ja vurke dokumeanttaid heivvolaš digitála portálii.

Bearráigeahččanlávdegoddi sáhttá jearrat gažaldagaid FeFo hálddahussas ja stivrras vai sáhttá doaimmahit iežas bearráigeahččandoaimma. Bearráigeahččanlávdegoddi galgá oažžut buot buot dieđuid, čilgehusaid ja dokumeanttaid FeFos, mat leat dárbbašlaččat láhkamearriduvvon geatnegasvuođaid doaimmaheapmái.

Bearráigeahččanlávdegoddi dahká ieš stikkaiskkadeami dáin dokumeanttain vai ollašuhttá iežas rolla.

5. Doaimmahusa badjebáhcaga juohkin

Finnmárkkulága § 15 mielde sáhttá stivra mearridit ahte badjebáza ollásit dahje muhtun oassái galgá máksojuvvot Finnmárkku fylkkagildii, Sámediggái dahje álbmogii ávkkálaš ulbmiliidda mat bohtet Finnmárkku ássiide buorrin. Dakkár juogadeapmi galgá bearráigeahččanlávdegoddi dohkkehit ovttajienalaččat § 16 f vuođul.

Dakkár dohkkeheapmi sáhttá dáhpáhuvvat FeFo bušeahta dohkkeheami bokte.

6. Raporteren

Bearráigeahččanlávdegoddi buktá jahkásaččat raportta Finnmárkku fylkkadiggái, Sámediggái ja departementii. Raporttas galgá bearráigeahččanlávdegoddi čilget iežas doaimma, árvvoštallat stivrra jahkedieđáhusa ja áššiid maid dat lea meannudan, ja Finnmárkolága.

7. Njuolggadusaid árvvoštallan ja ođasmahttin

Njuolggadusat galget árvvoštallojuvvot ja vejolaččat rievdaduvvot dárbbu mielde.

Finnmárkkuláhka addá álbmogii vuoigatvuođaid eatnamiidda ja čáziide Finnmárkkus (lovdata,no).

Stáhta eatnamat Finnmárkkus sirdojuvvo suoidnemánu 1. juli 2006 Finnmárkku ássiide FeFo bokte. Duogáš lea geassemánu 17. beaivvi 2005 Finnmárkkuláhka, mii addá sámiide ja eará finnmárkulaččaide vuoigatvuođaid eatnamiidda ja čáziide Finnmárkku fylkkas.

FeFo lea stivrra ja bargiid namahus, ja Finnmárkkuopmodat fas areála ja valljodagaid namahus maid FeFo galgá hálddašit Finnmárkku álbmoga bealis. 

• FeFo lea eanaeaiggát ja sierra riektesubjeakta Finnmárkkus, ja hálddaša eatnamiid ja luondduvalljodagaid jna. maid eaiggáduššá Finnmárkkulága ulbmila ja lága njuolggadusaid olis.
• 95 prosenta Finnmárkkus, areála mii lea 46 000 km2 lea sirdojuvvon stáhta oamastusas báikkálaš oamastussii man eanaeaiggátorgána lea FeFo. 
• Finnmarkseiendommen består av alle de grunneiendommer og areal som var statlige (Statskog SF) inntil 1. juni 2006. Store deler av kystlinjen på 5 400 km, administreres også av FeFo.
• Finnmárkkuláhka ollašuvai Sámedikki ja Finnmárkku fylkkadikki lagaš ovttasbargguin, ja og markerer slutten på et 25 års langt arbeid. Formålet med Finnmarksloven er å legge til rette for at grunn og naturressursene i Finnmark forvaltes på en balansert og økologisk bærekraftig måte, til beste for innbyggerne i fylket og særlig som grunnlag for samisk kultur, reindrift, bruk av utmark, næringsdrift og samfunnsliv.
• Grunneierfunksjonen i Finnmark har vært lovregulert siden jordutvisningsresolusjonen kom i 1775. Senere reguleringer skjedde ved jordsalgslov av 1863, 1902 og 1965, og nå Finnmarksloven av 17. juni 2005.

• FeFo:s leat 42 bargi. Gávnna bargi
• Váldokantuvra lea Leavnnjas, Porsáŋggu gielddas, gos direktevra oktan osiin bargogottis ja osiin meahcceossodagas.
• Leat ossodatkantuvrrat Álttás ja Čáhcesullos. Geahča FeFo kantuvrraid Google mapsas

• FeFo lea iešruhtadeaddji ja geatnegahtton máksit vearu, ja opmodagaid ja gullevaš valljodagaid doaimmaheapmi gokčá buot goluid. Stuorámus sisaboahtogáldu leat opmodagaid eanaláigohandivadat.
• Sisaboađut bohtet eanaláigoheamis, sáddo- /čievra-/minerálavuovdimis, čáhcegáhčahat- ja bieggašiehtadusain, bivddus ja guolásteamis.
• FeFo jahkeraporttat. Oza jahkeraportta dahje jahkerehketdoalu.
• FeFo ii oaččo doarjaga stáhtas doibmii.

Dábálaš jearaldagat rehkega hárrái  /  E-boasta

Finnmarkseiendommen/Finnmárkkuopmodat (FeFo) eanaeaiggát, ja eaiggáda ja hálddaša sullii 95% Finnmárkku eatnamiin. FeFo ásahuvvui 2006:s go Stuorradiggi mearridii Finnmárkkulága. Finnmárkkulága § 1:s čuožžu ahte "Lága ulbmil lea lágidit diliid nu, ahte Finnmárkku eatnamat ja luondduvalljodagat hálddašuvvojit dássedis ja ekologalaččat suvdinnávccalaš vuogi mielde Finnmárkku ássiide buorrin ja earenoamážit vuođđun sámi kultuvrii, boazodollui, meahcásteapmái, ealáhusdoaimmaheapmái ja servodateallimii". Dát deasttat leat vuođđun FeFo doibmii.

Rabasvuođaláhka galgá ovddidit fitnodagaid gudnejahttima olmmošvuoigatvuođaid ja dássedis bargodiliid ektui.

FeFo:i gusto rabasvuođaláhka ja mii čađahit jeavddalaččat várrogasvuođaárvvoštallamiid. Várrogasvuođaárvvoštallamiid bokte sáhttit bissehit, eastadit dahje ráddjet dakkár negatiiva váikkuhusaid mat sáhttet leat njuolga dahje eahpenjuolga čadnon midjiiide.

FeFo várrogasvuođaárvvoštallannjuolggadusat bidjet rámmaid dasa guđe árvvoštallamat ja doaibmabijut galget dahkkojuvvot jus fuomášuvvojit negatiiva váikkuhusat dahje stuorra várra ahte doaimmain leat negatiiva váikkuhusat.

Retningslinjer for risikovurderinger av samarbeidspartnere og leverandører (PDF, 108 kB)

Redegjørelse aktsomhetsvurderinger (PDF, 478 kB)

Årsberetning 2024 (PDF, 235 kB)

Njuolggadusaid lea Finnmarkseiendommen/Finnmárkkuopmodat stivra ja direktevra dohkkehan.

Ođasmahttejuvvon: 16.10.25.