Sullii 80 proseantta Finnmárkkuopmodaga eatnamiin guhttojuvvo bohccuin jagi mielde.
Ruovttusiiddus nibio.no:as gávnnat čakčaguohtunguovllut. Gávnnat maid eará dieđuid boazodoalu birra nu go johttingeainnut.
FeFo bivdá olbmuid leat erenoamáš várrogasat beanageavahemiin boazodoalloguovlluin, geahča beanalága § 7 ja boazodoallolága § 65.
Vánddardanrávvagat boazodoalloguovlluin
- Váldde vuhtii veaddingeatnegasvuođamearrádusaid. Oahpásnuva báikkálaš beanaláhkanjuolggadusaide.
- Go fuomášat bohccuid, čuorvvo beatnaga iežat lusa, bija báddái jus lea dárbbašlaš ja váldde vuhtii bohccuid.
- Vuhttojit go bohccot? Leage áicil – guovllus leat bohccot.
- Oainnát go ovtta bohcco? Leage áicil – doppe leat jáhkkimis eanet bohccot lahkosis.
- Oahpa dan boazodoalu birra mii lea dan guovllus gos don vánddardat.
- Daga juoidá vai du beana ii beroš bohccuin.
- Govčča boazoverráha jus leat ieš rahpan dan.
- Dieđit politiijaide tlf. bokte 02800 jus fuomášat lápmahuvvan dahje jápmán bohcco.
- Váldde oktavuođa Romssa ja Finnmárkku stáhtahálddašeddjiin tlf. bokte 78 95 03 00 oažžun dihte eanet dieđuid boazodoalu birra.
Giitu go válddát vuhtii bohccuid go vánddardat Finnmárkkuopmodagas.