Storvilt-áppain
Deaddil kvote ja Registrer skutt  ja vállje ealgga maid háliidat dieđihit bahččon. Muitte rievttes dárkkistankoarttain dieđihit báhččima. Merke kártii gos ealga báhččui, vállje rievttes kategoriija báhččon ealggas, rievdat dáhtona jus lea báhččon eará beaivve. Deavdde njuovvandeattu jus dieđat dan. Jus it dieđe vuos deattu de deavddát dan maŋŋelaš. Loahpas deaddelat Send registrering. Bivodjođiheaddji oažžu SMSa dieđiheami birra.

SMS:ain
Sádde kodasáni skutt, storviltID + kategoriijakoda (makkárlágan ealga lea báhččon). StorviltID gávnnat earrelisttus. Das fertet ieš válljet makkár ealgga áiggut dieđihit báhččon.  Buot bivdojoavkku bivdit sáhttet dieđihit báhččon ealggaid. Bivdijođiheaddji oažžu SMS go báhččon ealga lea dieđihuvvon. 

Sádde <skutt storviltID kategoriijakoda>, f.eks. <skutt fe12387 31>. 

Kategoriijakodat: 

• 10 = miessi (ii sáhtte geavahit go dieđiha)
• 11 = varis miessi
• 12 = njiŋŋelas miessi
• 20 = varit/vuonjal (ii sáhtte geavahit go dieđiha)
• 21 = varit 
• 22 = vuonjal 
• 31 = vuobis/sarvvis 
• 32 = vuonjalrotnu/rotnu/áldu 
• 40 = friddja ealli (ii sáhtte geavahit go dieđiha)

Njuovvandeaddu dieđihuvvo dan seammá beaivvi go ealga vihkkejuvvo. Buot dieđuid vihkema birra gávnnat kontrávtta nuppi mielddusis. (PDF, 220 kB)

Storvilt áppas
Vállje Skutt. Deaddil dan ealgga man deattu háliidat dieđihit, deavdde njuovvandeattu ja deaddil Registrer. Bivdojođiheaddji oažžu de SMS mas nannejuvvo dieđihuvvon deaddu. 

SMS:ain
Sádde <vekt storviltID kg>, ovdamearkka dihtii<vekt fe2387 167> nummarii 59 44 94 34.  

Buot bivdojoavkku bivdit sáhttet dieđihit deattuid. Bivdojođiheaddji oažžu SMS dieđihuvvon deattuin. Jus boasttu deaddu lea dieđihuvvon, de sáhtát sáddet ođđa dieđu seammá storviltID:in ja ođastit deattu.

Leat go vuorbáduvvon dárkkisteapmái? Dás gávnnat oktavuođadieđuid min dárkkistanvihkkejeddjiide:

 Leat go gohččojuvvon kontrollii? Dás gávnnat oktavuođadieđuid min dárkkistanvihkkejeddjiide.

Storvilt áppain
Deaddil Kvote ja vállje + Tilleggsdyr. Dasto dáhttojuvvot nannet ohcama ovdal go sáddejuvvo sisa.

SMS:ain
Sádde kodasáni <tillegg> Storviltportalenii nummarii 59 44 94 34. 

Maŋŋel juolludeami galga storviltID ja kategoriija čállojuvvot lassieallikorttii (koarta mas lea alit záhcu).

• Bivdojođiheaddjis lea ovddasvástádus áicon ealga dieđihit. 
• Deavdde áicon ealgga beaivválaččat, maiddái daid beivviid ovddas goas ehpet áicca ealgga. Deavdde áinnas vuos bábirskovi (PDF, 446 kB) ja bija dasto dieđuid Storvilt áppii go joavddat ruoktot.
• Buot áicamat ealggain bivddu áigge galget dieđihuvvot. Jus ovdamearkka dihtii golbma bivdi oidnet dan seammá ealgga, de galgá dat registrerejuvvot golbma áican. Maiddái jus okta bivdi áica seammá ealgga eambbo go oktii ovtta beaivvis, de galget buot dat áicamat reigistrerejuvvot sierra áican.  
• Báhččon ealggat galget maiddái dieæihuvvot áicon ealgan.
• Galgabehtet dušše dieđihit ealggaid maid áicabehtet bivddudettiin. Jus mat ovdamearkka dihtii oainnát ealgga go leat biillain jođus iežat bivdoguvlui, de ii galgga dat dieđihuvvot. 
• Jus guokte bivdojoavkku leat bivdimin ovttas de galgá áicon ealga registrerejuvvot dan bivdoguovllus gos áicojuvvui. Muitet buohtalastit registrerema ovttasbargi bivdojovkkuiguin. 

Storvilt áppa
Vállje Jaktdager/sett dyr ja dieđit áicon ealggaid daid beivviid ovddas goas lehpet bivdán. Gárve dieđiheami deaddilemiin Send inn jaktdag/sette dyr. Sáddejuvvon áicamiid sáhttá ain divodit ja sáddet ođđasit. Áicon ealgga ii sáhte eará go bivdojođiheaddji dieđihit.

Áiccon ealggaid sáhttá maiddái registreret Hjorteviltre-registarii. Hjorteviltre-registaris sáhtát maiddái doaimmahit áiccon ealggaid mat leat bidjon sisa appa bokte. 

Dáhtut lonuhit bivdoguovllu? Dieđit sávaldagat lonuhit SMS:in Storviltportalena nummarii 59 44 94 34, dahje riŋge ealgatelefovdnii (Oarje-Finnmárkui: 94 14 09 76, Nuorta-Finnmárkui: 94 83 66 28). 

Dáhtut bivdit ovttas kránnjajoavkkuin? Dalle galget goappašat bivdojođiheaddjit sáddet seammálágan SMS, mas čálliba ahte bivdigohtet ovttas, telefovdnii 59 44 94 34. Ohcan lea dohkkehuvvon go bivdojođiheaddjit oažžuba FeFos nánnejumi.

Dáhtut váldit atnui rabas kránnjaguovlu lassiguovlun? Sádde gulaskuddama SMS:in Storviltportalena nummarii 59 44 94 34, dahje riŋge ealgatelefovdnii (Oarje-Finnmárkui: 94 14 09 76, Nuorta-Finnmárkui: 94 83 66 28). 

Gulaskuddamat mat gusket bivdoguovllu lonuheapmái, bivddu ovttastahttimii ja lasi bivdoguvlui gieđahallojuvvojit beaivet bargoáiggi siste.

Bivdiidsearvi sáhttá váldit mielde ođđa bivdiid sihke ovdal ja maiddái bivddu vuolde. Ođđa bivdiid válddat sisa Storviltportála dahje Storvilt-áppa bokte. Deavdde ođđa bivdi bivdonummira (ii 0 ovdal bivdinummira), goarggu, poastanummira ja riegádanbeaivvi. Dieđut galget leat riekta.

Ođđa bivdit sáhttet bivdit go bivdodivat lea máksojuvvon, báhčingeahččaleapmi lea vurkejuvvon ja bivdojođiheaddji oažžu duođaštusa ahte lea lihkostuvvan registreret iežas.

Gáibiduvvo ahte eanetlohku bivdosearvvi miellahtuin, oktan bivdojođiheddjiin, galget ássat Finnmárkkus, dahje gielddas jus bivdojuvvo násteguovlluin. Dát gáibádus galgá ain devdojuvvot jus ođđa bivdit váldojuvvojit bivdui.

Bivdi ii sáhte sirdit ovtta bivdojoavkkus nubbái ovdalgo vuosttaš joavku lea geargan bivdimis.

Áiggut go váldit bivdi eret bivdojoavkkus? Váldde oktavuođa FeFo:in.

Áppa viežžá automáhtalaččat juolluduvvon ealggaid ja bivdojoavkku lahtuid. 

Kárta doaibmá dušše go lea neahttaoktavuohta. Jus háliidat kártta mii doaibmá maiddái neahta haga, de sáhtát deaddilit daid golbma cázu gurut čiegas, vállje Offline jakttilbud ja merke daid bivdofálaldagaid máid háliidat viežžat.  

Rievdadusaid maid dagat go ii leat neahtta, daid fertet ođasmáhttet go oaččut fas neahta. Rivdadusat mat eai leat ođasmáhttejuvvon leat merkejuvvon. 

Dieđit jus du bivdojoavku loahpaha bivddu ovdal go bivdoáigi nohká. 

Storvilt áppa
Deaddil golbma cázu gurut čiegas, váljje Steng gjeldende jakttilbud. Don dáhttojuvvot nannet loahpaheami ovdal go diehtu sáddejuvvo sisa.

SMS
Loahpahuvvon bivddu sáhttá dušše bivdojođiheaddji dieđihit su iežas mobiilanummara bokte. Sádde SMS kodasániin <avslutt> nummarii 59 44 94 34.

Vurke ahte leat ceavzan báhčingeahččaleami Storviltportalenii.  Jus dus lea báhčinreaidu "Mu bivdodokumeanta"-áppas, de sáhtát viežžat šearbmagova báhčingeahččaleamis - mas čuožžu báhčinbeaivi - mobiltelefovnnas.

Ovdal lei dušše bivdojođiheaddjis beassanlohpi Storviltportálii. Ođas dán jagi lea ahte buot bivdojoavkku miellahtut sáhttet logget sisa bankID:in.

Sáhtát vurket báhčingeahččaleami sihke alccesat ja earáid du bivdojoavkkus.  

Buohkat geat áigot bivdit ealgga Finnmárkkuopmodagas fertejit duođaštit ahte leat ceavzán báhčingeahččaleami ovdal:  

• 25. b. čakčamánus jus áiggut bivdit Kárášjogas ja Guovdageainnus, doppe álgá bivdu čakčamánu 1. beaivvi.  
• 15. b. čakčamánus eará ealgabivdiide geat álget bivdit čakčamánu 25. b.

Guorranbeanajoavku geat leat bivdojoavkku ealgabivdoohcamis, galget ássat Finnmárkkus. 

Bivdojoavku galgá disponeret iežas dohkkehuvvon guorranbeatnaga guorrama várás go ohcá ealgabivdui. Beanaeaiggat lea dohkkehuvvon go lea registrerejuvvon Norsk Kennel Klubb (NKK) guorranbeanaregistarii. Beanaeaiggat galgá čállojuvvot ohcamuššii beatnaga ID:in ja beanamieđušteaddji namain. Beanaeaiggat ii sáhte registrerejuvvot eará go ovtta ealgabivdoohcamuššii. FeFo sáhttá gáibidit ahte guorranbeana ID-skánnejuvvo.

Bivddidettiin galget bivdojoavkkus leat dohkkehuvvon guorranbeana olámuttos dohkálaš áigemeari duohken. Guorranbeana rehkenasto leat olámuttos dohkálaš áigemeari duohken jus sáhttá boahtit báhčinbáikái njealji diimmu siste maŋŋá go ealga báhččui. Jus bivdojoavkku guorranbeana ii leat olámuttos ferte joavkkus leat šiehtadus eará guorranbeatnagiin.

Okta beanaeaiggat, dahje guorranbeana, ii sáhte registrerejuvvot guovtti bivdojoavkku vuollái, main leat badjálasti bivdoáiggit.

Lea go dus eará guorranbeana go dat mii čuoččui ohcamušas? Sádde rievdadusaid elg@fefo.no eposttii.

Čakčamánu 25 b. rájes sáhttet bivdojoavkkut mat njeidet miesi vuollel 50 gilo oažžut buhtadusealli, ođđa njeidinkoartta. Miesážiid galgá dieđihit nu mo buot elliid: dieđit njeidima, merke korttii ja dieđit vihkkema. Jus miessi deadda vuollel 50 gilo, sáhttá bivdojoavku oažžut ođđa koartta. Bivdojoavku mearrida ieš háliida go ođđa koartta vai miesi. Jus miesi njeida vuođđoearrekoarttain, ja joavku oažžu ođđa vuođđoearrekoarta, ja ii njeaidde ođđa ealli, de ii oaččo bivdojoavku ruovttoluotta ruđaid. 

Čuojat váktatelefovnna 941 40 976 (Oarje-Finnmárku) dahje 948 36 628 (Nuorta-Finnmárku) jus áiggut buhtaduskoartta.