Vurke báhčingeahččaleami Storviltportalenii.  Buot bivdojoavkku miellahtut sáhttet logget sisa bankID:in. .Jus dus lea báhčinreaidu "Mu bivdodokumeanta"-áppas, de sáhtát viežžat šearbmagova báhčingeahččaleamis mobiltelefovnnas.

Bivdit sáhttet ieža vurket báhčingeahččaleami, ja bivdojođiheaddji sáhtta vurket sihke iežas báhčingeahččaleami ja earáid bivdojoavkkus.  

Buohkat geat áigot bivdit ealgga Finnmárkkuopmodagas fertejit duođaštit ahte leat ceavzán báhčingeahččaleami ovdal:  

• borgemánu 16. b. jus áiggut bivdit Kárášjogas ja Guovdageainnus, doppe álgá bivdu čakčamánu 1. beaivvi.  
• čakčamánu 6. b. ealgabivdiide geat álget bivdit čakčamánu 25. b.

Bivdiidsearvi sáhttá váldit mielde ođđa bivdiid sihke ovdal ja bivddu vuolde. Ođđa bivdiid válddat sisa Storviltportála dahje Storvilt-áppa bokte. Deavdde ođđa bivdi bivdonummira (ii 0 ovdal bivdinummira), goarggu, poastanummira ja riegádanbeaivvi. Dieđut galget leat riekta.

Ođđa bivdit sáhttet bivdit go bivdodivat lea máksojuvvon, báhčingeahččaleapmi lea vurkejuvvon ja bivdojođiheaddji oažžu duođaštusa ahte lea lihkostuvvan registreret iežas.

Gáibiduvvo ahte eanetlohku bivdosearvvi miellahtuin, oktan bivdojođiheddjiin, galget ássat Finnmárkkus, dahje gielddas jus bivdojuvvo násteguovlluin. Dát gáibádus galgá ain devdojuvvot vaikko válddat ođđa bivdiid  mielde bivdui.

Bivdi ii sáhte sirdit ovtta bivdojoavkkus nubbái ovdalgo vuosttaš joavku lea geargan bivdimis.

Áiggut go váldit bivdi eret bivdojoavkkus? Váldde oktavuođa FeFo:in.

Guorranbeanajoavku geat leat bivdojoavkku ealgabivdoohcamis, galget ássat Finnmárkkus. 

Bivdojoavku galgá disponeret iežas dohkkehuvvon guorranbeatnaga go ohcá ealgabivdui. Guorranbeana ja beanaeaiggát lea dohkkehuvvon go lea registrerejuvvon Norsk Kennel Klubb (NKK) guorranbeanaregistarii. Beanaeaiggát galgá čállojuvvot ohcamuššii beatnaga ID:in ja beanamieđušteaddji namain. Guorranbeana ii sáhte registrerejuvvot eará go ovtta ealgabivdoohcamuššii. FeFo sáhttá gáibidit ahte guorranbeana ID-skánnejuvvo.

Bivddidettiin galget bivdojoavkkus leat dohkkehuvvon guorranbeana olámuttos dohkálaš áigemeari duohken. Guorranbeana ja -eaiggat rehkenasto leat olámuttos dohkálaš áigemeari duohken jus sáhttá boahtit báhčinbáikái njealji diimmu siste maŋŋá go ealga báhččui. Jus bivdojoavkku guorranbeana ii leat olámuttos ferte joavkkus leat šiehtadus eará guorranbeatnagiin.

Okta beanaeaiggat dahje guorranbeana, ii sáhte registrerejuvvot guovtti bivdojoavkku vuollái, main leat badjálasti bivdoáiggit.

Ii oktage oassi guorranbeanajoavkkus oaččo leat máŋgga bivdofálaldagas.

Lea go dus eará guorranbeana go dat mii čuoččui ohcamušas? Sádde rievdadusa elg@fefo.no eposttii.

• Njuolggadusat ohcamuša ja soahpamuša hárrái. (PDF, 219 kB)
• Soahpamuš (PDF, 253 kB)
• Soahpamuša mielddus 1 - ollislaš njuolggadusat (PDF, 270 kB)soahpamuš (PDF, 270 kB)
• Soahpamuša mielddus 2 - njuolggadusat (PDF, 220 kB)vihkken (PDF, 220 kB)
• Ráŋggaštusat jus ealgabivddu njuolggadusat rihkkojuvvojit (PDF, 239 kB)

Ealgabivddu soahpamuš gusto dušše Finnmárkkuopmodagas, jus ii leat eará šihtton. Jus dáhtut lasihit priváhta eatnama iežat bivdoguvlui, de ferte čállojuvvot šiehtadus gaskal FeFo ja eará vuođđoeaiggáda das, ahte guovlu lahttuduvvo FeFo bivdoguvlui bivddu áigge. Bivdojoavkkus dat lea ovddasvástádus diekkár soahpamuša háhkat. 

Viežžat GPX-fiilla mas leat bivdorájat:

• Logge sisa storviltportalen.no
• Gávnna kártta ja raba dan
• Deaddil «Last ned (GPX)

Bivdoguovllut, bivdoáigi, earri ja vuođđohattit (PDF, 494 kB)

• Meroštit ealgga agi
• CWD-dávda
• Ruoná ealga
• Ealgabivddu njuolggadusat