Eavttut bidjat fuođđokámera Finnmárkkuopmodahkii:
- Kámeraoamasteaddji galgá merket buot kámeraid čuovvovaš dieđuiguin: ulbmil, eaiggátvuohta ja oktavuođadieđut.
- Kámeraoamasteaddji galgá bidjat mearkka/galbba báikái, gosa kámera lea biddjojuvvon.
- Kámera ii galgga biddjojuvvot nu, ahte govve dakko gokko olbmot jođašit, omd. bálgáide, gohttensajiide ja guolástansajiide čáhcádagaid gáddái dahje ala.
- Govat olbmuin, geaid kámera dáhpedorpmis darveha govvii, galget sihkkojuvvot. Muđui mii čujuhit persondiehtoláhkii, mii gusto dáhpáhusaide main olbmot vákšojuvvojit kámerain.
Suodjalanguovllut:
- Jus rusttet jna. lea dakkár, masa gáibiduvvo ohcat lobi áššáigullevaš suodjalanláhkaásahusa mielde, de galgá kámera oamasteaddji viežžat lobi suodjalaneiseválddiin.
Gaskavuohta persondiehtoláhkii:
Fuođđokamera lea govvenapparáhta mii biddjojuvvo meahccái vai sáhttá govvet elliid. Fuođđokamera lea lobálaš geavahit nu guhká go ulbmil lea dušše govvet elliid, ja jus leat beaktilis doaibmabijut mat eastadit ahte eai govve olbmuid.
- Bija govvenapparáhta dohko gosa lea váttis jáhkkit ahte olbmot vánddardit.
- Galbe báiki mii čájeha ahte guovlu lea gozihuvvon.
- Jus liikká váldá olbmuin govaid, de galgá daid sihkkut.
Govvenapparáhtagoziheapmi - mii lea lobálaš? Datatilsynet
FeFo fuođđokamera ja bivdosujiid njuolggadusat
Persovdnavákšun fátmmastuvvo persovndiehtolágas ja galgá dieđihuvvot diehtobearráigeahččui.