Ohcamuš lea jahkái ja lea gusto dan jahkái go ozat.  Ohcanskovi gávnnat go lea rahppon ohcamušaide

Fitnodagas ferte organisašuvdnanummar ja vearroduođaštus mii ii leat boarráset go  guhtta mánu.

Ohcamis ferte almmuhit bivdiid nama, bivdinummira, mátketelefuvdnanummira ja e-poastta maid fitnodat ohcá ja bivdosa áiggi ja báikki. Dat boahtá ovdan Excel-fiillas mii geavahuvvo. Dan vieččat ohcanskovi bokte.

Báikkálaš mátkeealáhusfitnodagat vuoruhuvvojit.

Ohcamuša vástádusas čilgejuvvo makkár bivdokoartta fitnodat oažžu. It leat sihkkar ahte oaččut buot bivdogoarttaid maid ozat. Lea ráddjejuvvon man galle koartta leat oažžumis ja sáhttet eanebut ohcat seamma bivdoguovllus.

Ovdal geassemánu 15. b. ferte fitnodat dieđihit midjiide makkár bivdit galget oažžut bivdokoarttaid goas ja gos. Don dieđihat bivdiide ahte bivdodivat galgá máksot. Geavat áinnas seamma skovi go ohcamis, muhto váldde eret daid dáhtoniid, bivdiid ja guovlluid mat eai heive juolludeapmái.