Giisá aktiiva - olggostallan! 

Čilgehus

Doarjja vuollegis gollorádjosaš olgoáibmoeallimii, mátkái, doaimmaide ja searvevuhtii Finnmárkku luonddus.

Ulbmil

Giisá aktiiva galgá váikkuhit dasa ahte eambbogat Finnmárkkus besset searvat olgoáibmoeallimii ja fysalaš doaimmaide - beroškeahttá agis ja duogážis. Ortnet doarju prošeavttaid ja ovttageardde doaibmabijuid mat dahket álkibun beassat lundui, juogo organiserejuvvon mátkkiid, vuollegis lassireaidduid geavaheami, lagasbirrasa searvevuođa dahje prošeavttaid bokte mat ovddidit fysalaš ja sosiála doaimmaid. Mii háliidit erenoamážit nannet eaktodáhtolašvuođa ja doarjut báikkálaš álgagiid mat buvttihit doaimmaid, searvevuođa ja ilu go geavaha luonddu.

Masa addo doarjja

Doarjja addo áigeráddjejuvvon doaibmabijuide ja ovttageardde prošeavttaide mat ovddidit bearašláđis olggustallama, fysalaš aktivitehta ja luonddugeavaheami Finnmárkkus. Dat sáhttet leat doaimmat main lea vuollegis rádjá, organiserejuvvon mátkkit ja lagasbirasprošeavttat mat dahket álkibun eanebuidda searvat olgun. Doarjja galgá gokčat duohta goluid, ja ortnet vuoruha doaimmaid mat leat mánáid, nuoraid ja joavkkuid várás geain leat erenoamáš dárbbut, ja maiddái prošeavttaid mat huksejit eaktodáhtolašvuođa ja duddjojit doaimmaid ja searvevuođa báikkálaš servodagas.

Masa ii addojuvvo doarjja

• Fásta visttiid ja rusttegiid ásaheapmi ja doaibma
• Dábálaš doaibma
• Doaibmabijut almmá eaktodáhtolaš searvama dahje searvevuođa haga

Doarjaga sturrodat

Stuorámus doarjja ovtta prošektii lea 50 000 ru. Doarjja sáhttá leat gitta 50 % prošeavtta ollislaš goluin..

Gii sáhttá ohcat

Eaktodáhtolaš searvvit ja organisašuvnnat main lea organisašuvdnanummir Finnmárkkus. Gieldda aktevrrat eai sáhte ohcat.

Ohcanáigemearri

Guovvamánu 1 b.

Ohcama sisdoallu

Prošeavtta válddahallan, bušeahtta, ruhtadanplána ja movt FeFo ruđat galget geavahuvvot ja čalmmustuvvot.

Ohcamiid meannudeapmi

Buot ohcamušat meannuduvvojit oktanaga. Direktevrra mearrida. Ii leat váidinvejolašvuohta. Vástádus galgá leat boahtán njealji vahku siste.

Giisá ovttasbargu – aktivitehtat mánáide ja nuoraide

Čilgehus

Doarjja joavkkuide, servviide ja aktevrraide mat buvttihit buriid vásáhusaid ja oktasašvuođa mánáide ja nuoraide.

Ulbmil

Giisá ovttasbargu galgá láhčit dili nu ahte FeFo - ovttasbarggus joavkkuiguin, servviiguin ja eará aktevrraiguin - sáhttet lágidit doaimmaid ja doaluid mánáide ja nuoraide Finnmárkkus. Ortnet nanne oktavuođa ja eaktodáhtolašvuođa  searvevuođa bokte, mas FeFo lea mielde ja álo oidnosis. Ulbmil lea addit eanet mánáide ja nuoraide vejolašvuođa searvat ulbmillaš doaimmaide ja dovdat gullevašvuođa iežaset báikkálašbirrasii.

Masa addo doarja

Ovttasbargoprošeavttat ja lágideamit mánáide ja nuoraide Finnmárkkus, mas FeFo lea okta máŋgga ruhtadeddjiin. Sáhttá maiddái addit doarjaga vuoittuide ja profilerenartihkkaliidda mas lea FeFo-logo. Ortnet vuoruha ovttasbargoprošeavttaid, gollojuohkima ja govda searvama.

Masa ii addojuvvo doarja

• Doaibmabijut almmá ovttasbarggu haga eará beliiguin
• Doaibmabijut mat eai leat mánáid ja nuoraid váráse
• Doaibmabijut mat eai oainnusmahte FeFo
• Dábálaš doaibma dahje bođuoastin mas ii leat doaibma

Doarjaga sturrodat

Doarjja ovtta prošektii lea eanemusát 30 000 ru.

Gii sáhtta ohcat

Eaktodáhtolaš searvvit ja joavkkut main lea organisašuvdnanummir Finnmárkkus. Gieldda aktevrrat eai sáhte ohcat.

Ohcanáigemearri

Birra jagi.

Ohcama sisdoallu

Prošeaktačilgehus, bušeahtta, ruhtadanplána, dieđut eará doarjagiid birra ja movt FeFo profilerejuvvo.

Ohcama meannudeapmi

Ohcamat meannuduvvojit dađistaga. Oaččut vástadusa njealljii vahkku siskkobealde.

Raporteren

Doarjaga juolludeamis vuoittuide ja profilerenartihkkaliidda ii gáibiduvvo raporteren. Dán almmuhit ohccái juolludeami oktavuođas. Dušše jus doarjja guoská stuorát prošeavtta ollašuhttimii, de gáibiduvvo loahpparaporta rehketdoaluin mielddusiiguin.

Giisá servodat ja kultuvra – Háhkat doaimmaid báikkálaš servodahkii

Čilgehus

Doarjja mii lokte báikegottiid stuorát prošeaktabargguin, kulturlágidemiin dahje doaimmaiguin mat addet ássanhálu ja ovdáneami.

Ulbmil

Giisá servodat ja kultuvra galgá váikkuhit ealli, geasuheaddji ja ceavzilis báikegottiid ovddideapmái Finnmárkkus. Ortnet doarju stuorát prošeavttaid, kulturdoaluid ja doaibmabijuid mat ovddidit ássanmiela, álbmotdearvvašvuođa, searvadahttima ja báikkálaš árvoháhkama. Ulbmil lea háhkat deaivvadanbáikkiid, nannet searvevuođa ja dahkat Finnmárkku buorre ássan-, orrun- ja guossohanbáikin.

Masa addo doarjja

Infrastrukturdoaibmabijut, nu go meahccefievrruid beassama láhčin, stuorát kulturdoalut, prošeavttat mat ovddidit Finnmárkolága ulbmila, ja čorgen ja oainnusčorgen.
Ortnet vuoruha doaibmabijuid mat addet bistevaš ávkki, nannejit ássanmiela, álbmotdearvvašvuođa ja báikkálaš árvoháhkama.

Masa ii addojuvvo doarjja

• Doaibmadoarjja
• Doaibmabijut main ii leat bistevaš árvu dahje servodatávki
• Prošeavttat main ii leat báikkálaš čatnaseapmi ja main ii leat viiddis oassálastin

Doarjaga sturrodat

Min oassi ii galgga dábálaččat leat badjel 30% ollislaš prošeaktagoluin. Eaktodáhtolaš barggu árvu ii sáhte leat eanet go 50% goluin.

Gii sáhtta ohcat

Organisašuvnnat, gielddat ja fitnodagaid ovttastusat main lea organisašuvdnanummir, stivra ja rehketdoallu Finnmárkkus.

Ohcanáigemearri

Njukčamánu 1 b.

Ohcama sisdoallu

Gollomeroštallan, ruhtadanplána, ovdánanplána, dárbbašlaš lobit, eananeaiggátlohpi, ja movt FeFo-ruđat galget geavahuvvot.

Ohcama meannudeapmi

Mearriduvvo FeFo stivrras direktevrra evttohusa vuođul. Ii leat váidinvejolašvuohta.

Giisá meahcásteapmi – Árbevirolaš máhtu gaskkusteapmi

Čilgehus

Doarjja kurssaide, doaluide ja prošeavttaide mat dollet árbevirolaš máhtu eallimin otná beaivve.

Ulbmil

Giisá meahcásteapmi galga váikkuhit árbevirolaš meahcásteami ja báikkálaš/ sámi kulturárbbi suodjaleami, nannema ja viidásit fievrrideami Finnmárkus. Ortnet doarju doaimmaid mat addet mánáide, nuoraide ja rávisolbmuide vejolašvuođa oahppat ja geavahit árbevirolaš máhtuid - guoskkaš dal duoji, luondduriggodagaid, biepmu, giela dahje eará kultuvrralaš ovdanbuktimiid. Ulbmilin lea sihkkarastit ahte árvvolaš máhttu eallá ain ealli oassin servodagas.

Masa addo doarjja

Doaibmabijut mat váikkuhit árbevirolaš meahcásteami ja báikkálaš/ sámi kulturárbbi suodjaleami, nannema ja viidásit fievrrideami. Dat sáhttet leat kurssat, seminárat, geavatlaš doaimmat, máhtu čohkken ja gaskkusteapmi, dahje doalut mat addet mánáide, nuoraide ja rávisolbmuide vejolašvuođa oahppat ja geavahit árbevirolaš máhtuid. Prošeavttat mat fátmmastit máŋga buolvva ja mat sihkkarastet ealli máhttosirdima vuoruhuvvojit.

Masa ii addo doarjja

• Doaibmabijut main váilu čielga ulbmil árbedieđu ektui
• Doaibmadoarjja
• Prošeavttat main ii leat gaskkusteapmi dahje oahpaheapmi

Doarjaga stuorrodat

Doarjja ovtta prošektii lea eanemusát 50 000 ru.

Gii sáhtta ohcat

• Ektodahttolaš joavkkut ja searvvit main lea organisašuvnnanummir Finnmárkus.  
• Gieldda aktevrrat eai sáhtte ohcat.

Ohcanáigemearri

Njukčamánu 15 b.

Ohcama sisdoallu

• Prošeavtta čilgehus
• Bušeahtta ja ruhtadanplána
• Movt FeFo-ruđat galget geavahuvvot

Ohcama meannudeapmi

Mearriduvvo FeFo stivrras direktevrra evttohusa vuođul. Ii leat váidinvejolašvuohta. Vástadus njeallji vahkku maŋŋel.

Oktasaš dieđut buot Giisá-ortnegat

Ohcan ja meannudeapmi

• Dušše čálalaš ohcamat meannuduvvojit
• Hilgumušaid ii sáhte váidit. 
• Buot doaibmabijut fertejut čađahuvvot Finnmárkus.
• Ohcamat mat leat badjel 50 000 ruvnno meannuduvvojit stivrras. 
• Ruhtadanrámma mearriduvvoFeFo bušeahtas. 
• FeFo sáhttá geavahit osiid ruđain iežas doaimmaide.

Máksu

• Máksu dahkko jearaldaga mielde ja dalle go doaibmabidju lea ollásit ruhtaduvvon.
• Doarjja badjel 50.000 ruvnno máksojuvvo guovtti oasis.
• FeFo sáhttá bissehit osiid doarjagis dassážii go doaibmabidju loahpahuvvo.
• Ruđat mat eai geavahuvvo, dahje geavahuvvojit eará ulbmiliidda go daidda mat leat šiehtaduvvon, galget máksojuvvot ruovttoluotta.
• Váilevaš raporteren rehkenastojuvvo geavatkeahtes ruhta ja galgá máksojuvvot ruovttoluotta.

Raporteren

• Loahpparaporta sáddejuvvo oktan rehketdoaluin, mildosiin ja govaiguin sierra skovis.
• Ii sáhte ohcat doarjaga ođđa prošeavttaide mat leat juo čađahuvvon.
• Sáhttá ohcat maŋideami maŋŋoneami oktavuođas.

Čalmmustahttit doarjaga

• Doarjjavuostáiváldi ferte čielgasit čájehit ahte lea ožžon doarjaga FeFos.
• Oidnosisvuohta guoská sihke proseassa áigge ja almmolašvuođas/márkanfievrrideamis.
• FeFo veahkeha logoin ja ávdnasiiguin.

Doaimmat ortnega olggobealde

Doaibmabijut mat eai gula Giisá-ortnegiid eavttuid vuollái, muhto dattetge adnojuvvojit doarjaga árvosažžan, sáhttet ovddiduvvot FeFo stivrii direktevrra gáibádusa mielde.