Dál gávdnojit dávvirgirjerádjosat miehtá riikka stoahkan ja olgoáibmodoaimmaid várás.

Kirkens Bymisjonas Mátta-Várjjagis váldet ovtta lávkki viidáseappot earret eará FeFo doarjagiin, go investerejit mobiila dávvirgirjerádjui maid sii gohčodit dávvirvodnan. 

- Min vuođđudus lea Girkonjárggas, muhto mii háliidit olahit eanet báikkiid gielddas vai luoikanortnet šaddá eambbo olámuttos ja dovddus, muitala báhppa Torbjørn Brox Webber.

(Artihkal joatká vuollelis govain)

Sihkelit maid sáhttá luoikkahit. Kirkens bymisjon

Ođđa, ođđaáigasaš ja olámuttos
Kirkens Bymisjonas leat máŋggalágan rusttegat ja ođđaáigásaš valáštallan- ja olgoáibmobiergasat buot jagiáiggiide.

- Geasset leat mis earet eará SUP- breahttat, packraft ja BMX-sihkkelat. Go lea dálvi, de mii fállat čuoigamiid, alpiidnačuoigamiid, luisttiid ja duottarsšuoigamiid, lohká son ja lasihastá vel: 

- Mis leat maid tealttát, tuvraseahkat ja eará biergasat mat heivejit birra jagi.

Máŋggabealat geavaheaddjit
Utstyrsvogna lea oassi BUA.no, našunála ideála organisašuvnnas mii dahká álkibun mánáide ja nuoraide geahččalit eanet doaimmaid almmá lassánahttit geavaheami.

Geavaheaddjit buot agiin, maiddái ráves olbmot ja ealáhatolbmot.

- Sii luiket biergasiid, erenoamážit ovdal luomuid go vurdet ádjobiid boahtit, muitala Brox Webber.

Duppalastojuvvon loatna
Mobiila biergasiid vuosttaš jagis duppalasttii Kirkens Bymisjon biergasiid luoikama Mátta-Várjjaga gielddas.

- Mii mannat olbmuid lusa dan sadjái go vuordit buohkaid boahtit Girkonjárgii. Don sáhtát maiddái máhcahit luoikkahuvvon biergasiid Poastta bokte. Dát dagaha ahte rusttegiidguovddáš lea eanet olámuttos ja lea lávdaduvvon, mii min mielas lea deaŧalaš dakkár guovlluin gos ásset bieđgguid, nugo Finnmárkkus.

- Manne lea dehálaš didjiide dán dahkat?

- Haddi ja reanttut leat lassánan, ja lea divrras áigi. Dattetge ii galgga ruhta hehttet mánáid ja nuoraid stoahkamis. Dávvirvovdna lea smávva veahkki veahkehit sin geat vásihit ekonomalaš hástalusaid.

Leago dus prošeakta mii sáhttá oažžut eanebuid meahccái? Oza Ruoná doarjaga FeFo Giisá doarjjaortnegis ovdal guovvamánu 15. beaivvi..

 

Juohkelagan olgodoaimmaid sáhttát bargat Máttá-Várjjagis. Kirkens bymisjon