Boanddain geain lea dárbu lassiareálaide viiddideami dahje rievdadusaid oktavuođas, sáhttet ohcat dan FeFo:s. Gielda mii lea eanadoalloeiseváldi árvvoštallá dárbbu, ja sin cealkámušat leat vuođđun áššemeannudeapmái. Ohcamiid ferte ákkastit. Lassi eanadoalloareála lea láigoeana.

Lassiareála čadnojuvvo váldodoallái, sihkkarastiin dihte dan doallovuođu. FeFo ii suova earáide láigohit eatnama, jus lea ođđa geavaheaddji, de ferte láigošiehtadusa rievdadit.

Láigoheaddji (FeFo) sáhttá loahpahit láigošiehtadusa jus ii leat leamaš doallu viđa jahkái. Guoros areálaid sáhttit juohkit eará boanddaide. Nu áimmahuššat eanadoalloeatnamiid.

Lassiareálaid ohcanskovvi

Guohtunriekti

Finnmárkkuláhka § 23 nanne ahte eanadoalloopmodagaide lea guohtunriekti nu ollu omiide go sáhttá biebmat dálvvi badjel opmodagas. 

Áidun
Guohtunriekti ii atte riekti áidut dahje cegget eará rusttegiid meahccái Finnmárkkuopmodagas, ja danne ferte sáddet sierra ohcamuša jus lea dárbu.

Oza lobi doaibmabidjui

Ođđa eanadoalluareálat juolluduvvojit láigoeanamin. FeFo sáhttá vuovdit láigohuvvon eanadoalloeatanmiid jus leat gilvojuvvon, ja leat leamaš dássedit doaimmas maŋemus vihtta jagi. FeFo vuovdá almmatge dušše jus doallu/ doaibma- ovttadat lea sorjavaš dakkár oastimis sihkkarastit doaimmas, ja jus lea eanadoalu dihte dárbu dakkár areálii boahtte áiggis. FeFo áigu buot áššiin mat gusket eanadoalloareálaid oastimii dáhttut árvvoštallama  ja ávžžuhusa báikkálaš eanadoalloeiseválddis.

FeFo ii háliit vuovdit muhtun areálaid. Dat guoská areálaide čoahkkebáikkiid lahka gos oaidná ahte areálaid geavaheapmi sáhttá earáhuhttot huksemii. Areálat mat leat sierra sajis ja guhkkin eret doalus eaige vuvdojuvvo. Areálat čadnon doaluide maid leat heaittiheamin dahje leat heaittihuvvon ii háliit FeFo vuovdit.

Oza oastit opmodaga

Geahča eanadoalloáššiid gieđahallannjuolggadusaid

Sohkabuolvamolsašupmi

Go lea sohkabuolvamolsašupmi, de sirdit buot eanadoalloeatnamiid láigošiehtadusaid ođđa eaiggádii. Láigoeatnamat leat vuođđun dasa lea go doallu gánnáhahtti.

Dat mearkkaša ahte guođohanbarttat maid čuvvot sohkabuolvamolsašumi.

FeFo háliida láhčit buriid čovdosiid go lea sohkabuolvamolsašupmi. Sihke ođđa eaiggádiin ja eanadoallohálddahusain.

Vuovdin

Jus vuovda doalu čuvvot buot láigošiehtadusat doalu nu movt go sohkabuolvamolsašumis. FeFo lea dulkon dan eanalága § 12 juohkit doalloovttadaga mielde. Buot registerovttadagat mat gullet doalloovttadahkii (seamma eaiggát), láigoeatnamat ja guođohanbarttat, čuvvot doalloovttadaga. Báikkálaš eanadoalloeiseváldi galgá sihkkarastit ahte nu šaddá. Vuovdi addá FeFo:i dieđu sirdit šiehtadusaid ođđa eaiggádii.  

Jus ođđa eaiggát cealká eret šiehtadusaid, sáhttet eará boanddat láigohit daid eatnamiid jus lea dárbu. FeFo ii láigut daid earáide ovdal go báikkálaš eanadoalloeiseváldi lea árvvoštallan dárbbuid guovllus ja buktán evttohusa gii galgá oažžut láigošiehtadusa.