Dás leat dieđut bivdogoartta oastimii áigodahkii 2026/27.  

Oastit bivdokoarta

Koartavuovdin lea natureit.no siiddus. 

Bivdodivat jagi 2026/27 ovddas ferte leat mákson ovdal go sáhtát oastit bivdokoartta. Fuomáš: Sáhttá gollat 1-3 bargobeaivvi ovdal go divat lea registrerejuvvon Bivdoregistarii. 

Áigodatkoarta

Jus orut Finnmárkus, sáhtát oastit áigodatkorta 

• du ruovttusuohkanis
• eará suohkanis
• olles Finnmárkuopmodagas

Don fertet aktiveret koarta ovdal go bivddat vuonccálotti, njoammila, čáhcelotti, čuotnjága ja mearralotti.

Beaivekoarta

Jus orut Finnmárku olggobealde, fertet oastit beaivekoartta. Juohke bivdoguvlui leat almmuhuvvon dihto meari beaivekoarttat, boazodoalu geavaheami ja guovllu báikkálaš geavaheami dieđuid birra.  

Goarttas lea dušše vejolaš oastit eanemusat vihtta - 5 beaivvi. Jus háliidat oastit eanet beivviid de fertet álgit ođđasit. 

Sáhtát oastit bivdokoarttaid 1-5 bivdái seamma diŋgojumis.

Jus it ása Finnmárkkus, de it sáhte oastit áigodatkoartta ovttaskas suohkaniidda.

Dieđut

Mii bivdit ahte jearaldagat bivdokoartta oastima oktavuođas sáddejuvvojit e-poastta bokte: smavilt@fefo.no.

Bivdokoarttat maŋŋel lohkama

Borgemánu takseremiid maŋŋil árvvoštallat sáhttit go bidjat eanet bivdokoarttaid vuovdimassii. Dát gusto maid njoammilbivdokoarttaid. Vejolaš eanet bivdokoarttat juogaduvvojit ja almmuhuvvojit borgemánu 27. beaivvi ja čakčamánu 22. beaivvi.

Bivdoeksperimeanta

Ovttasráđiid Norgga luonddudutkaninstituhtain (NINA) ja Romssa universitehtain čađaha FeFo meahcásteami geahččaleami Finnmárkkuopmodagas loguiguin meroštallat bivddu váikkuhusaid ja movt dat rievddada sorjavaččat rievssathivvodagaid sturrodagas, dálkkádagain ja oktavuođas eará šlájaide ekovuogádagas. Ulbmil geahččalemiin lea sihkkarastit buori, máhtolašvuhtii vuođđuduvvon ja boahtteáigái heivehuvvon luosatláganáliid hálddašeami Finnmárkkus. Čuovvovaš bivdoguovllut leat mielde geahččaleamis: 

• KAU7A Mierovárri – ráddjejuvvon lohku koarttaid juohke beaivái nugo ovdal, ráddjejuvvon lohku bivdobeaivvit oktiibuot jahkodagas
• KAU10 Čunučearru – Várrejuvvon bivdiide geat ásset Finnmárkkus 
• KAU26 Spalloaivi – Bivdu nugo ovdal, lea ráddjejuvvon galle goartta juohke beaivvi ja jahkodagas
• HAM8 Sennalandet – ráddjejuvvon lohku koarttaid juohke beaivái nugo ovdal, ráddjejuvvon lohku bivdobeaivvit oktiibuot jahkodagas 
• POR2 Kjæs – Bivdu nugo ovdal, lea ráddjejuvvon galle goartta juohke beaivvi ja jahkodagas
• POR11A Leirpollen – Várrejuvvon bivdiide geat ásset Finnmárkkus 
• NES1 Rasjok – Várrejuvvon bivdiide geat ásset Finnmárkkus
• NES2 Bergeby – Bivdu nugo ovdal, lea ráddjejuvvon galle goartta juohke beaivvi ja jahkodagas
• VAD2 Vadsø – Ráddjejuvvon galle koartta juohke beaivái nugo ovdal, rájáhis bivdinbeaivvi bivdináigodagas  

Geahččaleami muddemat gustojit doaisttážii áigodahkii 2026/27.