Dát lea Kárášjoga-ášši

Geat galget boahtteáiggis eaiggáduššat Kárášjoga eatnamiid? Guovvamánu 29. b. - njukčamánu 11. b. radjái meannuda Alimusriekti ášši stuorrakámmaris. Dá lea oanehis veršuvdna áššis.

Riekteášši lea gaskal guovtti joavkku Kárášjogas ovtta bealde ja Finnmarkseiendommen-Finnmárkuopmodat (FeFo), mii dál oamasta ja hálddaša eatnamiid finnmárkolaččaid ovddas, nuppi bealde.

Eanan lea 5 209 km2, mii dahká Kárášjoga Norgga nubbin stuorámus gieldan maŋŋel Guovdageainnu (9 704 km2). 

Jus meahcceduopmostuolu duopmu bissu, de masset badjel 95 prosentta Finnmárkku álbmogis vuoigatvuođaid luondduriggodagaide 10,7 proseantta Finnmárkku eatnamiin.

Kárášjoga bealistis sáhttá hálddašit eatnamiid ieš ja šaddá Norgga goalmmát stuorámus eanaeaiggádin maŋŋá Statskog (60 000 km2) ja FeFo (46 655 km2).

Alimusriekti galgá cealkit oaivilis áššái gustovaš našuvnnalaš rievtti vuođul.

Dát leat oasálaččat

Karasjoga Samiid Searvi - Karasjok Sameforening ja earát
Báikkálaš sámesearvi mii lea čadnon Norgga Sámiid Riikasearvái (NSR) ovttas earret eará Kárášjoga gielddain (Bb), muhtin báikkalaš searvvit ja priváhtaolbmot. 

Guttorm-joavku ja earát
Priváhtaolbmuid joavku ovttas orohagain 13 ja 16 geat lohket iežaset ovddastit sámi sogalaččaid Kárášjogas. 

Finnmarkseiendommen - Finnmárkkuopmodat (FeFo)
FeFo eaiggáduššá measta olles Finnmárkku ja finnmárkolaččat fas eaiggáduššet FeFo Finnmárkku fylkkadikki ja Sámedikki nammadan stivrrain, main goappásge leat golbma stivralahtu. Go oktage gáibida opmodaga dahje eará vuoigatvuođaid, de mii ovddastit finnmárkulaččaid ja eanáš fylkka sápmelaččaid riekteproseassas (Finnmárkuláhka § 34). Odne hálddaša FeFo buot luondduvalljodagaid nugo bivddu, guolásteami, eatnamiid ja lea sámi eanavuoigatvuođaid institušonaliseren Finnmárkkus.

Dat leat gáibádusat

Karasjoga Samiid Searvi - Karasjok Sameforening ja earát gáibdit eaiggáduššat Kárášjoga eatnamiid. Vuoigatvuođat galget gullat sidjiide geat áiggis áigái orrot gielddas.

Guttorm-joavku ja earát gáibidit ahte sámi sogat okto galget eaiggaduššat Kárášjoga eatnamiid.   

 

Duogaš
Kárášjoga-proseassa
Dán oaivvilda FeFo
FeFo ášševeahki
Dieđut FeFo birra
Dieđut Finnmárkkuopmodaga birra
Dieđut Kárášjoga gieldda birra


Loga maid gažaldagat ja vástádusat Kárášjoga ášši birra.

Mii leat olámuttus diggeáššis - gulahala čuovvovaš gulahallandieđuid vuođul.

Preassagovaid vieččát Flickr:is