Lasihit báhčingeahččaleami

Dál lea gearggus lasihit báhčingeaččalemiid. Logge sisa storviltportalen.no:ii ja vurke báhčingeahččaleami. 

Váldde gova báhčingeahččaleamis ja vurke gova.  Jus dus lea "Mu bivdodokumentašuvdna" áppa, de sáhtát viežžat šearbmagova báhčingeahččaleamis. Govas galgá boahtit ovdan ahte lea ceavzán báhčingeahččaleami. Bivdojođiheaddji sáhttá viežžat buohkaid báhčingeahččalemiid bivdojoavkkus, bivdit sáhttet dušše viežžat iežas báhčingeahččaleami.

It nagot vurket? Sádde báhčingeahččaleami(id) e-posttii elg@fefo.no.

Buot bivdit fertejit duođaštit ahte leat ceavzán báhčingeahččaleami ovdal:

• borgemánu 17. beaivvi, buohkat geat bivdet Kárášjogas ja Guovdageainnus gos ealgabivdu álga čakčamánu 1. beaivvi.  
• čakčamánu 7. beaivvi buohkaide geain álga bivdu čakčamánu 25. beaivvi.  

Jus báhčingeahččaleami duođaštusat eai boađe ovdal áigemeari, de heaittihuvvo guoskevaš bivdi dahje olles bivdojoavkku soahpamuš, jus leat báhcán unnit go njeallje lohkkojuvvon miellahtu soahpamuša álgoohcamušas.

Go mii dađi bahábut eat leat ožžon lobi laktit iežamet Birasdirektoráhta registarii, de ferte báhčingeahččaleami  vurket ieš.    

Vuođđohatti rehket

Diibmá bođii sihke vuođđohaddi ja biergohaddi ovtta rehkegis bivddu maŋŋil. Dat doaimmai nu bures ahte mii joatkit dainna. Dat mearkkaša ahte mii eat sádde vuođđohatti rehkega ovdal bivddu.  Dán jagi loahpparehkegis boahtá ovdan sihke báhččon elliid biergohaddi, ja vuođđohaddi vuođđoearis elliide mat eai leat báhččon.  

Šiehtadus ii leat vuolláičállon

Maiddai dán jagi lea nu ahte buot bivdojoavkku miellahtut galget vuolláičállit ealgakontrávtta Poastta digitála vuolláičállinčovdosa bokte. Jus it sáhtte vuolláičállit digitálalaččat, de fertet vuolláičállit báberhámis. Siđa soames iežat bivdosearvvis prenttet soahpamuša, dahje váldde oktavuođa minguin vai oaččut dan. Čále vuollái ja sádde midjiide vuolláičállojuvvon šiehtadusa. Don ieš válljet áiggut go skánnet dahje govvet vuolláičállon soahpamuša ja sáddet dan e-poastta bokte čujuhussii elg@fefo.no, sáddet poasttas dahje doalvut min kántuvrrii.

Dát guoská maiddái ođđa bivdiide geat dieđihuvvojit bivdosearvái ovdal ja bivddu vuolde.

Artihkalgovva: Kjell Erik Moseid.