Geahča 2026 ealgabivddu vuorbádanlisttu (vuorbádanortnetvuoru mielde) (PDF, 352 kB)
Geahča bivdoguovlluid ja bivdojoavkkuid suohkaniid mielde (PDF, 367 kB)
Personsuodjalusa dihte almmuhuvvojit dušše daid bivdojođiheddjiid namat geat leat ožžon bivdoguovllu. Bivodjođiheaddjit geat leat várrelisttus ožžot sin nummára epoasttas.
Bearjadaga cuoŋumánu 24 b. leat ealgabivdit gealaldagas čuvvon vuorbádandoaluid miehtá Finnmárkku. Beassá go bivdit vai ii? Ja makkár guovllus?
Dán jagáš ealgavuorbádeapmi
Vuorbádeami maŋŋel fállojuvvo 316 bivdojovkui bivdoguovlu. 121:s sis leat ožžon dan maid sávve vuosttažin dahje nubbin. Jus dasa lassin lohká dan maid sávve goalmmádin ja njealjádin, de leat 166 joavkku mat leat hui duhtavaččat.
109 ohcciidjoavkku šadde várrelistui. Dat leat 3 unnit go diibmá. Golbmanuppelohkái jagi áigi lei várrelistu guhkit go goassege ovdal, dalle ledje 216 bivdojoavkku várrelisttus vuorbádeami maŋŋel.
Otne leat vihtta bivdofálaldaga rabas:
- Čorotoaivi(*) Kárášjogas
- Stordalen(*) Davvesiiddas
- Klokkarvik(*) Davvesiiddas
Rabas bivdofálaldagat fállojuvvojit bivdojoavkkuide liigejuolludanlisttus geassinummira mielde, ja ii ge váldde vuhtii bivdojoavkku stáhtusa gili siskkobealde dahje olggobealde. Bivdojoavkkuin bajemusas várrelisttus leat buorit vejolašvuođat oažžut bivdoguovlluid mat eai leat vuos juolluduvvon, dahje maid eará bivdojoavkkut eai váldde vuostá. Borgemánus fállojuvvot rabas bivdoguovllut bivdojoavkkuide várrelisttus.
Olggossádden ja vuolláičállin
Bivdofálaldagat sáddejuvvojit dađistaga miessemánus. Bivdojođiheaddji oažžu dieđu go bivdofálaldat lea sáddejuvvon. Maiddai dán jagi galget buot bivdit bivdosearvvis digitálalaččat vuolláičállit šiehtadusa.
Dan jagaš ealgabivdoohcamušat
321 bivdo fálaldaga ledje almmuhuvvan. Dasa lassin bohtet dat guokte bivdoguovllu, mat leat várrejuvvon oahpahanbivdui.
426 ohcanjoavkku devde ohcaneavttuid. Dat lea lihká olu ohcamuša go diibmá, ja ollu unnit go moadde jagi dás ovdal (488 ohcamuša 2013:s).
2179 bivdi leat registrerejuvvon ohcanjoavkkuide. Dát leat 16 unnit bivdi go diibmá.
Gaskamearálaččat leat 5,1 ealgabivdi juohke ohcanjoavkkus. Gaskamearálaččat leat leamaš badjel vihtta bivdi maŋemus jagiid. Buohtastahttimiin, de ledje gaskamearálaččat "dušše" 4,6 bivdi 2013:s.
Ovtta ohccijoavkkus ledje 149 vuoruhemiid ohcamušas, muhto okta joavku ozái dušše guovtti guovlui.
Bivdoguovlu masa eanemus searvvit ohce lea Valjohka Kárášjogas gos bohte 177 ohcamuša. Eará bivnnuhis guovllut ledje:
- Sirbmá Deanus 173 ohcamuša
- Gollevárri Deanus 170 ohcamuša
- Golggotjohka/Gulbojok Deanus 164 ohcamuša
- Sávkadas Kárášjogas 160 ohcamuša
- Njárgasaš Kárášjogas 155 ohcamuša
Geahča 2026 ealgabivddu vuorbádanlisttu (vuorbádanortnetvuoru mielde) (PDF, 352 kB)
Geahča bivdoguovlluid ja bivdojoavkkuid suohkaniid mielde (PDF, 367 kB)
Dieđut Storvilt-portála ja Storvilt-áppa birra
Storvilt-portála ja Storvilt-áppa leat ovddideami vuolde ja sáhttet leat eahpestabiila ja muhtun muddui olámuttos.
Don it dárbbaš dál logget sisa Storvilt-portálii. Vuordde dassážii go oaččut dieđu ahte leat ožžon fálaldaga ealgavuorbádeamis – dalle lea portála gearggus atnui.
Storvilt-áppa ovddiduvvo viidáseappot geasi guvlui, muhto lea gearggus atnui buorre áiggis ovdal go bivdu álgá.
Govven: Lars Krempig.