Ealáhusovddideapmi
Ovttasbargguin gielddaiguin
FeFos deháleamos ovttasbargoguoimmit leat suohkanat. 20 jagi lea FeFo deattuhan leat einnostanvejolaš eanaeaiggát mii doarju báikkálaš plánema ja ovdáneami.
Oskkáldasvuohta gieldda areálaplánaide lea leamaš dehálaš prinsihppan hálddašeamis. Go doaibmabijut ja prošeavttat leat mearriduvvon plánaid mielde, de sáhttá ohcci dábálaččat vuordit positiiva meannudeami FeFo eananeaiggátgažaldagas.
Gielddaide, ealáhusaide ja eará aktevrraide addá dát stuorát einnostanvejolašvuođa ja čielgaset rámmaid doaimmaid, bargosajiid ja ovdáneami ásaheapmái Finnmárkkus.
Bivdu ja guolásteapmi
Luondduriggodagaid ceavzilis hálddašeapmi.
Bivdu ja guolásteapmi lea deaŧalaš oassi Finnmárkku meahcástallamis ja kultuvrras. 20 jagi lea FeFo fokuseren luondduresurssaid ceavzilis hálddašeapmái, nu ahte maiddái boahttevaš buolvvat besset daid návddašit.
Finnmárkku ássiin lea hui buorre vejolašvuohta fidnet bivddu ja guolásteami govttolaš haddái. Go leat unnán resurssat, de vuoruhuvvojit sii geat orrot lagamusas, Finnmárkkulága prinsihpaid mielde.
Mihttomearrin lea hálddašit resurssaid dakkár vugiin mii sihke fuolaha luondduvuđđosa ja sihkkarastá báikkálaš bivddu ja guolásteami.
Areálahálddašeapmi
Balánsa sierranas beroštusaid gaskka.
FeFo hálddaša stuorra areálaid main leat ollu ja iešguđetlágan beroštusat mat čatnasit luonddu geavaheapmái. Boazodoallu, olgodaddan, ealáhusovddideapmi, energiija, luondduresurssat ja báikkálaš geavaheapmi deaivvadit dávjá seamma guovlluin.
20 jagi lea FeFo deattuhan vuđolaš áššemeannudeami ja buori máhttovuođu ovdal go mearrádusat dahkkojuvvojit. Mihttomearrin lea gávdnat čovdosiid mat fuolahit Finnmárkkulága rámmaid ja balánsa iešguđet deasttaid gaskka nu ahte dat doibmet áiggi badjel.
Dát gáibida dávjá váttis vihkkedallamiid, muhto maiddái dan ahte luondu galgá geavahuvvot - sihke dál ja boahtteáiggis.