FeFo joatká ovttasbarggu Offroad Finnmark:iin ja doarju dán jagaš mánáidsihkkelastingilvvu Álttás. FeFo stivra lea juolludan 300 000 ruvnno čađahit gilvvu doarjjaortnegis Giisá.

FeFo Offroad Finnmárku mánáidgilvu lágiduvvo gaskavahku suoidnemánu 29. b. Álttá guovddážis. Gilvu lea nuvttá ja rabas buot mánáide sullii 0 - 12 jagi gaskkas. Áidna maid gilvooassálastit dárbbašit, lea jealmma ja juoga mas leat juvllat - leažžá dal sihkkel, golmmajuvllat dahje čiekčansihkkel. 

– Mii doarjut mánáidgilvvu danne go dat lea somás ja fátmmasteaddji lágideapmi mánáide. Dat lea nuvttá ja rabas buohkaide, beroškeahttá vásáhusdásis. Dat lea dearvvašlaš, addá movtta ja duddjo searvevuođa. Deaŧaleamos lea leat olgun, searvat ja návddašit, dadjá Katharina Messy FeFo:s.

Álki searvat

Mánát álget iešguđet ahkeluohkáin, ja láhtut leat heivehuvvon agi mielde. Nuoramusat sáhttet searvat golmmajuvllatsihkelin ja boarraset mánát ges vudjet moadde vuoru  Álttá guovddážis. Buot oasseváldit ožžot bálkkašumi.

FeFo:i lea dehálaš doarjut doaimmaid mat ráhkadit deaivvadanbáikkiid ja mat dahket álkibun mánáide searvat, beroškeahttá bearraša ekonomiijas dahje mánáid ovddeš vásáhusain.

– Go dáhpáhus lea nuvttá, de dat geahpeda oassálastindási. Mánáidgilvu ovttastahtta doaibmama, hálddašeami ja searvevuođa dainna lágiin ahte mii háliidit leat mielde váikkuheamen, dadjá stivrajođiheaddji Øyvind Lindbäck.

Praktihkaláš dieđut

FeFo Offroad Finnmárkku mánáidgilvu lágiduvvo gaskavahku suoidnemánu 29. b. vázzingáhttas Scandic Álttá balddas.

Dieđiheapmi ja startanummariid juohkin álgá diibmu 13. Vuosttas joavku álgá diibmu 14.

Gilvu lea nuvttá, muhto oasseváldit fertejit almmuhit iežaset Offroad Finnmark neahttasiidduin.

Geavat jealmma ja dieđit máná!