Dát investeren mearkkaša ahte álggahuvvo gelddolaš ovdáneami, sihke min bargiide ja servodahkii. Badjel 20 jagi maŋŋá Kirkegata 20:s lea áigi ođasmahttojuvvot. Go láigošiehtadus loahpahuvvo geasset 2026, de fárret ođđa lanjaide mat leat heivehuvvon otnáš ja boahtteáiggi dárbbuide. Dáppe láhččojuvvo dilli buoret bargobirrasii ođđaáigásaš áibmomolsunrusttegiin, ođasmahttojuvvon čoahkkinrusttegiiguin ja buriin arkiivakapasitehtain.

Dát lea dehálaš investeren sihke bargobirrasii ja boahttevaš doibmii. Mii háliidat fállat iežamet bargiide doaibmi ja áigái heivvolaš lanjaid, seammás go váldit vuhtii birrasa ja ekonomiija, lohká FeFo-direktevra Tom Mikalsen.

Prošeavtta ollislaš rámma lea birrasiid 35 miljovnna ruvnno ja dasa gullá sihke oastit ja viidát ođasmahttit 2. gearddi Tollbugata 5:žis. Entreprenevra Mats Hus AS lea válljejuvvon čađahit barggu, ja Finnmark Byggrådgivning AS lea huksenjođiheaddji.

Ovddida ceavzilis čovdosa

FeFo háliida leat mielde ođasmahttimin Čáhcesullo guovddáža, ja áŋgiruššá ceavzilis čovdosiiguin mat bohtet báikkálaš servodahkii maid buorrin.

Go divodit dálá visttiid dan sadjái go hukset ođđa, de mii háliidit váldit árjjalaš birasovddasvástádusa ja váikkuhit ceavzilis ovddideami. Seammás doaivut ahte prošeakta loktešii gávpotgova Čáhcesullo guovddážis ja buvttášii buori ovdáneami - illun sihke ássiide ja gussiide, lohká Bjørn-Rikart Pedersen.

FeFo gulahallá bures Čáhcesullo gielddain sihkkarastin dihte doaibmi čovdosiid maiddái olgun, earret eará parkerema ja beassama dáfus. Mii illudit sávvat bargiide ja ovttasbargoguimmiide bures boahtima ođđa, ođđaáigásaš lanjaide 2026:s!