Ágga suodjalit

Mii leat ilus go proseassa dál lea joavdan guhkit. Viiddiduvvon suodjalus Báhčaveajis lea mielde sihkkarastimin stuorra, oktilaš vuovdeviidodagaid main leat hui stuorra luondduárvvut.

Álgoálgosaš gáhttenevttohus sisttisdoalai sullii 53 425 dehkara ođđa areálasuodjaleami. Gulaskuddan čájehii viiddis doarjaga viiddiduvvon suodjái, seammás go máŋga gulaskuddaninstánssa bukte cealkámušaid osiide evttohusas.

Mii leat maŋŋá gulaskuddama geassán evttohusa váldit eret osiid Stuora Sametti-Skjelvatnet luonddusuodjalanguovllus. Danne evttohuvvo guovlu ain suodjaluvvot luonddureserváhtan. Dáinna lágiin váldit mii vuhtii daid árvalusaid mat bohte gulaskuddamis.

Bajit Báhčaveaji eanadatsuodjalanguovllus leat maid dahkkojuvvon heiveheamit. Guovlu dan nu gohčoduvvon Luftwaffe-leairras evttohuvvo ain leat oassin eanadatsuodjalanguovllus. Máŋga gulaskuddancealkámuša čujuhedje guovllu kulturhistorjjálaš árvui, ja dat leat váldon mielde viidáset meannudeapmái.

Seammás mii evttohit váldit eret muhtun areálaid mat ovdal leat geavahuvvon mássáviežžamii. Dát galgá sihkkarastit ahte boahtteáiggis leat doarvái mássát meahccegeainnuid bajásdoallamii ja eará dárbbašlaš infrastruktuvrii guovllus.

- Mii leat ilus go ášši dál lea sáddejuvvon viidáseappot Birasdirektoráhtii. Gulaskuddanproseassa lea buktán buriid čielggadusaid ja dárbbašlaš heivehemiid. FeFo:i lea leamaš dehálaš áimmahuššat stuorra luondduárvvuid, seammás go mii gávdnat čovdosiid mat váldet vuhtii báikkálaš dárbbuid ja cealkámušaid, dadjá direktevra Tom Mikalsen.