- Min mielas leat min golbma kultuvrra riggodahkan ja dat mii dahká Finnmárkku erenoamážin. Dán mii háliidit loktet oktasaš ságastallamis singuin geain lea váldi Finnmárkkus, lohká FeFo direktevra Tom Mikalsen.

FeFo-konferánssas Nanne 2024 lea dán jagi fáddán "Golbma kultuvrra jođihanfápmun ". Konferánsa dollojuvvo cuoŋománu 9. beaivvi diibmu 12 -15 radjái

 - Doalut rávdnjejuvvojit min Facebook siiddus ja YouTube kanála bokte. Jus dus ii leat vejolašvuohta čuovvut justte dalle, de sáhtát geahččat baddejumi maŋŋel, dadjá Mikalsen. 

Kväänteatteri teáhterhoavda Frank Jørstad rahpá monologain "Tre i en". Dan maŋŋá lea UiT Norgga árktalaš universitehta vuosttašamanueansa historjjás, ja Duohtavuođa- ja soabadankommišuvnna lahttu, Ketil Zachariassen, gii doallá sáhkavuoru. Dasto jođiha Johan Vasara beavdde ságastallama.

 Panelas čohkkájit fylkkasátnejođiheaddji Hans-Jacob Bønå, sámediggeráđđi Berit Marie P. E. Eira, Norgga kvenaid lihtu Rune Sundelin ja Finnmárkku sátnejođiheaddjit.

 - FeFo galgá hálddašit Finnmárkku buoremussan ássiide, erenoamážit sámi kultuvrii. Dál mii bidjat dan seamma searvái digaštallamiidda mat leat jođus Duohtavuođa- ja soabadandankommišuvnna raportta maŋŋel. Danin fertet mii guldalit, muhto mii jáhkkit ahte maiddái muđui Finnmárkkus lea ávkin, dadjá Mikalsen ja muittuha ahte olbmot sáhttet jearrat gažaldagaid panelii.

 Nanne lea FeFo viđát konferánsa.