Áigemearri sáddet cealkámušaid guhkiduvvui miessemánu 1. beaivái, vai lei eanet áiggi addit cealkámušaid.

- Cealkámušat leat dehálaš oassi viidáset barggu vuođđun. Dát lea prinsihpalaš ášši maid stivra galgš mearridit, lohká direktevra Tom Mikalsen.

Duogaš

Geahčadeapmi lea čuovvoleapmi stivrra mearrádussii 42/2025, mas stivra bivddii ollislaš árvvoštallama FeFo láigoeatnan práksisii, mas erenoamážit deattuhuvvo vuđolaš gažaldagat rolla, doaibmavejolávuohta ja ovddasvástádusa birra.

Oassin barggus diŋgojuvvui juridihkalaš árvvoštallan advokáhttafitnodagas Hjort 2025 čavčča.  Árvvoštallamis konkluderejuvvo ahte FeFo doaibma lea dálá láhkaortnega siskkobealde.

Gielddaid ja earáid cealkámušat

Mii bovdimet suohkaniid buktit cealkámušaid geahčadeapmái. Ulbmil lea leamaš oažžut viiddis vuođu viidáset gieđahallamii.

Sisaboađut mat dál leat boahtán gusket ee:

• ássan- ja servodatovdáneapmi
• láhčit dili gielddaide
• ekonomalaš árvvoštallan

Maid dál?

Hálddahus áigu dál geahčadit ja systematiseret cealkámušaid.

Dát meannuduvvojit 

• dálá láhkaásahemiin
• ekonomalaš váikkuhusain
• vuhtiiváldin ovttaárvosaš gieđahallama ja einnostahttivuođain

Ollislaš vuođđu ovdanbuktojuvvo stivrii, mii galgá meannudit ollislaš láigoeananpráksisa maŋŋelabbos dán jagi.

Ii leat dahkkon mearrádus

Ii leat dahkkon mearrádus makkárge rievdadusaid práksisas.

– Dát lea oassi stuorát proseassas. Stivra dahká iežas árvvoštallamiid go ášši biddjo meannudeapmái, lohká Mikalsen.

Viidáset ságastallan

Mii ságastallat suohkaniiguin ja doallat oktavuođa olles proseassas. 
Mihttomearrin lea ahte galgá leat buorre ja viiddis vuođđu go stivra meannuda ášši.
 

Govven: Erik Palm