Mátkefitnodagat sáhttet dál ohcat dohkkehuvvot koarttavuovdin iežas gussiide, smávvafuođđobivdui 2026/27 áigodagas.
Oza ovdal njukčamánu 1. b. skovi bokte
Skovis ohcá fitnodat maiddái koarttavuovdima sávahahtti bivdoguovlluide.
Ovdal go ozat, de ávžžuhit mii ahte dat lea čielggas:
- Duođaštus fitnodaga ollislaš dietnasa ja vuovdima birra ovddit jagi/ golbma maŋemus jagi mat leat leamaš doaibmajagis.
- Molssaeaktun jus fitnodat lea aitto álggahuvvon: fitnodatplána dahje sullasaš mii čájeha vurdojuvvon gávpejođu vuosttaš golbma jagi. Ferte boahtit ovdan mii lea vurdojuvvon gávpejohtu mátkeealáhusdoaimmaheaddjiin.
- Vearu ja lasseárvodivada duođaštus.
Fitnodagat šaddet koartavuvdiin
Jus galgá dohkkehuvvot koartavuvdiin, de ferte fitnodaga váldodoaimmahusain leat mátkeeallin ja das ferte leat fitnodatčujuhus Finnmárkkus. Dasa lassin galgá fitnodat duođaštit ahte lea vuovdán unnimusat 150 000 ru jahkasaččat mátkesuorggis. FeFo sáhttá addit bivdokoarttaid vuovdima ovtta fitnodahkii juohke bivdoguovllus, ja juohke fitnodat sáhttá oažžut bivdokoarttaid vuovdima gitta njealji bivdoguvlui.
Dohkkehuvvon fitnodagat sáhttet vuovdit ráddjejuvvon beaivekortiid iežaset gussiide várrejuvvon bivdoguovlluin. Bealli beaivekoarttain bivdoguovllus sáhttá vuovdit mátkeealáhusfitnodaga bokte, ja loahppa, nugo ovdal, sáhttá oastit dábálaš bileahttavuovdimiin. Ortnet ii mearkkaš rievdadusaid smávvafuođđubivddus ássiide Finnmárkus.
Ortnega ulbmilin lea nannet báikkálaš váikkuheami seammás go meahcásteddjiid resurssaid maiddái boahtteáiggis hálddašit ceavzilis vugiin.
Ortnega árvvoštallan
Ortnet evaluerejuvvo 2026/27 áigodaga maŋŋá sihkkarastin dihtii ahte dat doaibmá nu go lea jurddašuvvon, ahte dat lea ávkkálaš, ja ahte báikkálaš olbmuid smávvafuođđobivdovuoigatvuođat fuolahuvvojit Finnmárkkulága mielde.
Boahtte jagi rájes lea ohcanáigi guovvamánu 1. b.
Miessemánu 6. beaivvi 2026 rahppojuvvo dábálaš bivdokoartavuovdin smávvafuođđubivdui.
Geahča njuolggadusaid (PDF, 92 kB)