Ollu luossajogain Finnmárkkuopmodagas lea guhkes lijtoláigohistorjá. Eanaš lihtoláigosoahpamušat leat jotkojuvvon áigodahkii 2025 - 2034.
Giitu barggu ovddas
Davvenjárga JFF (Stránddajohkačázadat), Tømmervikforeninga (Tømmervikelva), Smiervuona gilisearvi (Smiervuonjohka) ja Gáiddošjoga- ja Fállejoga eanaeaiggátsearvvit eai leat ođasmahttán lihttoláigosoahpamuša. Mii giitit din barggu ovddas. Seammás giitit Unjárgga JFF barggu ovddas maid lehpet bargan Njiđggujogas ja Ođđajogas, ja Gáŋgaviikka JFF barggu ovddas maid lehpet bargan Donjevuonjogas.
Njiđggujogaslea lea ođđa lihtoláigoheaddji, ja mii sávvat Njiđggujoga guolástussearvái bures boahtima lihttoláigoheaddjin. Mii leat gulahallame báikkálaš servviin Ođđajoga lihtoláigohit, muhto dás ii leat visot sajis. Mehamnjohka lea giddejuvvon guolásteapmái, ja lea ge sivvan manne Gáŋgaviika JFF ii leat hálidan ođasmahttit lihtoláigosoahpamuša.
Mii háliidit maiddái giitit daid lihtoláigoheddjiid geat jotket bargguin. Vuordit ain buori ovttasbarggu! Dán tabeallas oainnat lihtoláigoheddjiid.
Njuolggadusaid mudden
Lihttoláigo njuolggadusat leat veaháš rievdaduvvon. Lea erenoamážit okta cealkka ođđa njuolggadusain mii lea dagahan eahpesihkarvuođa min lihttoláigoheddjide. Cealkka lea kapihttalis 2.1a koartavuovdima birra, ja lea mihttejuvvon das:
Lihttoláigu lea geatnegahtton vuovdit bivdokoarttaid FeFo eatnamiin. Bivdokoarttat gustojit dušše Finnmárkkuopmodahkii. Lihttoláigu galgá geavahit digitála koartavuovdinvuogádaga masa FeFo beassá sisa. FeFo sáhttá gáibidit beassat válljet koartavuovdinvuogádaga.
Máŋga min lihttoláigoheaddjit lea bargan ovttas priváhta eanaeaiggádiiguin viiddidan dihtii bivdogaska maid sii fállet čázádagas ja oččodan dihtii oktasaš bivdonjuolggadusaid. Dákkár ovttasbargu sáhttá joatkašuvvat, muhto ii sáhte vuovdit bivdokoartta mii lea gustojeaddji sihke Finnmárkkuopmodagas ja priváhta opmodagas.
Njuolggadusat oaggunkoarttaide Finnmárkkuopmodagas ja priváhta eatnamiin
Rievdadusa sivvan leat momsanjuolggadusat. FeFo lea luvvejuvvon momssas meahccebuktagiin Finnmárkkulága bokte, muhto luvven gusto dušše Finnmárkkuopmodahkii. Jus priváhta opmodat gullá guvlui gos oastá bivdokoartta, de ferte oasti máksit momsa ja bivdokoartahaddi loktana 25 proseanttain. Lea dehálaš čujuhit ahte lihttoláigoheaddjit eai leat sivvan rievdadeapmái. Mii sávvat ahte dát čilge manne lihttoláigoheaddjit leat šaddan heaittihit dákkár ovttasbargoortnegiid.