Finnmárkkus šaddá guovlluid mielde bivdu:

• Oarje-Finnmárkku vuotnaguovllut suoidnemánu 15. beaivvi - borgemánu 4. beaivvi vuossárgga dii. 18:00- bearjadaga dii. 18:00. 
• Porsáŋgguvuonas suoidnemánu 15 beaivvi - borgemánu 4. beaivvi vuossárgga dii. 18:00- bearjadaga dii. 18:00.

Guovlluin gos ii sáhte bivdit luosa: 

• Finnmárkku rittu, Deanuvuotna, Stuorravuotna, Gáivuotna/Báhčaveadji ja Ruovdevuotna.

Dat mearkkaša ahte ii leat lohpi bivdit luosa gáttis dahje fatnasis seamma guovlluin.

Eiseválddiid ákkastallan lea ahte Deanuluossa lea nu áitojuvvon ahte eai háliit bivddu das. Sii geat leat máksán guolástusdivada guollebivddu ovddas giddejuvvon guovlluin, ožžot biraseiseválddis dan ruovttoluotta.