Nu go dábálaččat, de ozat ealgabi inatur.no siiddus.  Sáhtát rievdadit ohcama gitta cuoŋumánu 13. beaivvi dii. 23.59 rádjái. 

Gáibádusat ohcamuššii

Badjel bealli bivdojoavkkus ja bivdojođiheaddji fertejit orrut Finnmárkkus. Bivdosearvvit olggobealde Finnmárkku besset bivdit ealggaid dušše jus báhcet guoros bivdoguovllut maŋŋel liigejuolludeami. Dat ii leat dáhpáhuvvan daid maŋimuš jagiid.

60 proseantta gielddaid vuođđoearis lea várrejuvvon báikkálaš bivdojoavkkuide, nu gohčoduvvon násteguovllut (merkejuvvon *). Bivdojoavku rehkenastojuvvo báikkálaš bivdojoavkun jus badjel bealli joavkkus ja bivdojođiheaddji ássá gielddas. Eará gielddaid bivdosearvvit eai sáhtte ohcat násteguovlluide.

Muitte ahte:  

• Bivdojoavkkus fertejit leat unnimusat njeallje lohkki miellahttu. Lohkki miellahttun rehkenasttejuvvojit bivdit geat leat deavdán 18 jagi go bivdu álgá ja  galget guoddit bissu bivddus.
• Bivdosearvvi miellahtut geat hilgot bivdofálaldaga dábálaš juolludeami oktavuođas eai sáhte dieđihit eará bivdosearvái ovdal 15. bivdobeaivvi rájes (dahje 8. bivdobeaivvi rájes jus dieđiha guovtti-áigodaga-guovllu bivdosearvái).
• Bivdosearvi galgá duođaštit ahte sis lea dohkkehuvvon guorranjoavku ohcanáigodagas. Guorranjoavku ferte ássat Finnmárkkus. Dispensašuvdna ii addo.
   

Njuolggadusat ealgabivdui ja ohcamii

• Njuolggadusat ohcamuša ja soahpamuša hárrái. (PDF, 219 kB)
• Eambbo dieđuid ealgabivddu njuolggadusaid birra gávnnat min ealgasiidduin.

Vuorbádeapmi

Mii almmuhit vuorbádeami bearjadaga cuoŋumánu 24. beaivve. Nu mo ovdal almmuhit báikkálaš searvvit bohtosiid dii. 18 rájes. Bohtosiid gávnnat min neahttasiidduin dii. 21.

Sávvat lihkku ohcamin ja vuorbádemiin!

Govven: Lars Krempig.