Dehálaš fáttát nugo servodatovdáneapmi, opmodathálddašeapmi ja viessosadjeláigoheapmi ledje áššelisttus.

Lei ovttaoaivilvuohta das ahte mis lea oktasaš mihttomearri Finnmárkku ovdáneapmái boahtteáigai, ja bealit ásahedje oktasaš ipmárdusa makkár hástalusat ja vejolašvuođat leat Álttá gielddas ja Álttá servodagas, erenoamážit go lea sáhka ássan- ja ealáhusovdáneamis.

FeFo muitalii iežas barggu birra mii guoská ollislaš geahčadeapmái FeFo láigohangeavadis, maid stivra mearridii geassemánus. FeFo ja Álttá gielda áigot joatkit dialoga áššis, mii maiddái bidjá dehálaš eavttuid beliid ovttasbargui Lille-Skoddevarre ásodatguovllu ovddideami oktavuođas.

FeFo muitalii ahte sii bovdejit rabas čoahkkimii Álttás golggotmánu 21.beaivvi, gos stivra háliida deaivvadit sihke ássiiguin ja servodatoassálastiiguin Álttás oažžun dihtii evttohusaid ja gulahallama.

Čoahkkimis ledje stivrajođiheaddji Thomas Mølmann, stivrra nubbinjođiheaddji Eva Husby, direktevra Tom Mikalsen, opmodatossodaga jođiheaddji Bjørn-Rikart Pedersen ja FeFo advokáhtta Håvard Aagesen. Sátnejođiheaddji Monica Nielsen, várresátnejođiheaddji Jan Martin Rishaug, suohkandirektevra Oddvar Konst ja suohkanlaš servodatovdánahttinhoavda Silje Ingebrigtsen ovddastedje Álttá suohkana.