Finnmárkuopmodaga (FeFo) stivrras lea otne stivračoahkkin Leavnnjas. Okta dain vuosttaš áššiin, ášši 4, lei válljet jođiheaddji ja nubbinjođiheaddji. 

Jan Henrik Hætta

Stivra válljii ovttajienalaččat Øyvind Lindbäcka jođiheaddjin ja Máret Guhttora nubbinjođiheaddjin. Guktot leaba nammaduvvon Sámedikkis.

Stivra giita Thomas Mølmann, gii lea leamaš stivrajođiheaddji dassažii, su barggu ovddas. 

FeFo sávvá maid ođđa stivralahtu: Boazodoalloovddasteaddji Inger Marie Gaup Eira bures boahtima stivrii. Son válljejuvvui stivrii Sámedikki dievasčoahkkimis juovlamánus 2025.