Smávvafuođđobivddu earit ja reguleremat 2025/26

Olu rávis lottit iešguđetlágán buvttademiin.

Go geahččá ollislaččat, de lea leamaš buorre jahki go buohtastahttá vástideaddji leavttuiguin maŋimuš 20 jagi. Logut čájehit bures rávis lottiid eanaš guovlluin Finnmárkkus iešguđetlágán buvttademiin. Buvttadeamis leat stuorra erohusat maiddái báikkálaččat, ja ollu guovlluin lea buvttadeapmi heittot.

Borgemánu 25. b. doalaimet mii čoahkkima NJFF Finnmárkuin ja Oarje-Finnmárkku loddebeanaservviin. Bohtosiid vuođul šaddet dán jagi earit sullii seamma go mannan áigodaga. Čuovvovaš muddemat mearriduvvojedje Finnmárkkuopmodahkii: 

Earit

  • Buot bivdiid beaiveearri lea 4 rievssaha ja meahccelotti. Beaiveearis sáhttá leat okta meahcceloddi.  
    • Čuovvovaš spiehkastat gusto: BivdoguovlluinSVA9, SVA10, SVA11 ja SVA12A ja SVA12B lea beaiveearri 1 rievssat ja 1 meahcceloddi. ​​
  • Finnmárkku ássiid oppalaš áigodatearri lea 40 rievssaha ja meahccelotti. Áigodateriin sáhttet 3 meahccelotti,. 
  • Mátkkosteaddji bivdiid áigodatearri lea 20 rievssaha ja meahccelotti, áigodatearis sáhttá leat 1 meahcceloddi. 

Mearrádusat 

  • Sállanis, Gádde-Iččáin, Iččáin, Jealmmeseadjus/Ruotnjárggas ja Muosáin lea oaniduvvon rievssatbivdináigi: čakčamánu 10. beaivve - juovlamánu 23. beaivve​​  
  • Fávle-Iččat: Bivdogielddus FeFo-eatnamiin Fávle-Iččatgis gaskkal dii. 08:00 - 17:00 borgemánu 21. beaivi gitta borgemánu 31. beaivvi rádjai.​ .​  
  • Fávla-Iččatgis ja Láhppi sullos gusto lohkoráddjehus maiddái Finnmárkku ássiide.​ 
  • Meahcceloddi lea ráfáidahtton Álttá ja Porsáŋggu gielddainr.  
  • Bivdu ii galgga čađahuvvot lagabus go 300 mehtera iežas parkeren fievrruin meahccebiilageainnuid guora bievlavuovdeguovlluin Kárášjogas ja Mátta-Várjjagis. 

Ollu guovlluin leat olu rávis lottit, muhto heajos buvttadeapmi. Rávis lottiin lea veaháš buoret birgenvejolašvuohta go jahkečivggain, ja go bivda stuorát gottiid ovdalii go ovttaskas lottiid dahje páraid, de lassánit vejolašvuođat bivdit jahkečivggaid ja bivdit leat mielde hálddašeame luonddu, lohká FeFo meahcceossodaga jođiheaddji Einar J. Asbjørnsen kommentáras

Bivdokoarttat

Ráddjejuvvon bivdokoarttat mátkkošteddjiide biddjojuvvojedje vuovdemassii miessemánu 6 b. Eanet bivdokoarttat leat olámuttus borgemánu 28. beaivvi dii. 10 rájis. Árvvoštallamis váldojuvvo vuhtii máddodat, bivdodeaddu, bivdoearit ja boazodoallu.

Mii deaivvadit servviiguin fas golggotmánu 15. beaivvi. Dalle geahčadit bivdostatistihkaid dán rádjai áigodagas ja árvvoštallat muddemiid. 

Utsikter for rypejakta 2025 på Finnmarkseiendommen - Bærekraftig og livskraftig Finnmark 

Govven: Kjell-Erik Moseid

Váldde oktavuoda

Einar Johannes Asbjørnsen
leder/jođiheaddji
E-poasta
Telefovdna 78 95 50 00
Mobiltelefovdna 48 20 41 87
Christina Bjørkli
utmarksforvalter/meahccehálddašeaddji
E-poasta
Telefovdna 78 95 50 00
Mobiltelefovdna 46 84 49 60