Bivdobeanahárjehallan, bivdobeanageahččaleapmi ja beatnaga dápmun ii galgga geavvat eananeaiggáda lobi haga.
Áigodat- ja beaivekoarta smávvafuođđobivdui gusto maiddái beanahárjehallanlohpin koartta áigodagas ja guovllus. Finnmárkkuopmodaga ealgabivdiin lea maiddái lohpi luoitit beatnaga.
Bohccot guhtot sullii 80 proseantta Finnmárkkuopmodaga eatnamiin.
Nibio.no:as gávnnat čakčaguohtunguovlluid. Doppe gávnnat maid eará dieđuid boazodoalu birra, nu go johttingeainnuid.
FeFo bivdá olbmuid leat erenoamáš várrogas beanageavahemiin boazodoalloguovlluin, geahča beanalága § 7 ja boazodoallolága § 65.
Vánddardannjuolggadusat boazodoalloguovlluin
- Váldde vuhtii veaddingeatnegasvuođamearrádusaid. Oahpásnuva báikkálaš beanaláhkanjuolggadusaide.
- Go fuomášat bohccuid, čuorvvo beatnaga iežat lusa ja bija báddái jus lea dárbbašlaš.
- Vuhttojit go bohccot? Leage áicil – guovllus leat bohccot.
- Oainnát go bohcco? Leage áicil – doppe leat jáhkkimis eanet bohccot lahkosis.
- Oahpa boazodoalu birra mii lea dan guovllus gos don vánddardat.
- Daga juoidá vai du beana ii beroš bohccuin.
- Govčča boazoverráha jus leat ieš rahpan dan.
- Dieđit politiijaide tlf. bokte 02800 jus fuomášat lápmahuvvan dahje jápmán bohcco.
- Váldde oktavuođa Romssa ja Finnmárkku stáhtahálddašeddjiin tlf. bokte 78 95 03 00 eanet dieđuid boazodoalu birra.
Giitu go válddát vuhtii bohccuid go vánddardat Finnmárkkuopmodagas.
Eanaeaiggáda lohpi hárjehallat bivdobeatnaga
- Jus don ásat Finnmárkkus, de lea dus lohpi hárjehallat iežat bivdobeatnaga Finnmárkkuopmodagas - don it dárbbaš beanahárjehallangoartta. Lohpi ii gusto áigodagas go lea veaddingeatnegasvuohta.
- Ássit olggobealde Finnmárkku geat háliidit hárjehallat bivdobeatnaga Finnmárkkuopmodagas fertejit oastit beanahárjehallangoartta.
- Beanahárjehallangoartta lea doaimmas olles áigodaga, earret dalle go lea veaddingeatnegasvuohta.
- Áigodatkoarta ja beaivekorta smávvafuođđobivdui gusto maiddái beanahárjehallanlohpiin.
Beatnagoddelágas § 8 lea aiddostahttojuvvon ahte bivdobeanaharjehallan, bivdobeanageahččaleapmi ja dápmun sáhttá dušše čađahuvvot eanaeaiggáda lobi mielde.
Boazodoalu vuhtiiváldin Finnmárkkuopmodagas