FEFO

Ruoná doarjja njuolggadusat

FeFo ulbmil ruhta doarjjagiin galgá veahkehit lassánahttit meahcástallama ja luonddugeavaheami. Doarjja addo vuosttažettiin doaimmaide mat ovddidit fysalaš lihkadeami. Ii addo dábálaččat doarjja ásahit ja doaimmahit bissovaš visttiid ja rusttegiid.

FeFo vuoruha doaimmaid mat:

  • ovddidit bearašustitlaš ja beaivválaš meahcásteami
  • ovddidit doaimmaid lagas birrasis 
  • veahkehit addit joavkkuide main earenoamážit dárbbut dahkamuša
  • galget joksat mánáid ja nuoraid
  • veahkehit ahte ođđa joavkkut ožžot fálaldaga
  • leat nu oallugiidda go vejolaš buorrin 
  • ovddidit meahcásteami man vuođđu lea ávkkástallan

Geat sáhttet ohcat

Eaktodáhtolaš ovttastusat ja searvvit, beroštumisearvvit, gilisearvvit jna. organisašuvnnat main leat báikkálaš searvvit eanet go 5 gielddas Finnmárkkus, sáhttet ohcat doarjaga doaimmaide báikkálaš searvviset ovddas.

FeFo sáhttá addit doarjaga earáide go servviide/ovttastusaide go leat stuorát ovttasbargoprošeavttat ja doaimmat mat oaččuhit oallugiid dahkamušaide.

Ohcan sáddejuvvo sierra skoviin
Ohcamat galget leat siste ohcanáigái. Ohcamat gieđahallojit oktanaga ja vástádusa sáhttá vuordit njeallje vahku maŋŋil go ohcanáigi lea dievvan.

Ohcamis galgá leat obbalaš bušeahtta, mas iežasoassi/veahkkálasbargu, vejolaš eará doarjjaruhta ja FeFo ruđa geavaheapmi čilgejuvvo. Doarjja galgá gokčat prošeavtta duohta goluid ja máksojuvvo go lea juolluduvvon.

Mii eat meannut ohcamuša, man doaibma gáibidivččii vuođđoeaiggáda lobi, jus dakkár lohpi ii leat biddjon mielddusin. Dát gusto maiddái ohcamušaide man doaibma plánejuvvo FeFo eatnamii.

Rapporteren

Ohcci galgá buktit álkis raportta mas leat govat doaimmas maŋit áiggis. Raporteren (oktan rehketdoaluin) dahkkojuvvo sierra skoviin. Raporteren galgá sáddejuvvot sisa nu johtilit go vejolaš maŋŋil čađaheami, maŋemusat ovdal nuppi jagi ohcanáiggi. 

Lea lohpi ohcat ruhtageavaheami maŋiduvvot ovttain jagiin.

Ruhta mii ii leat geavahuvvon galgá máksot ruovttoluotta. Ruhta mas eat leat ožžon raportta rehkenasto geavahuvvo ja galgá máksot maŋás. Ohcci gii ii leat raporteren ii sáhte vuordit oažžut juolludeapmi ođđa ohcamiidda

Doarjaga fuomášahttin

Sii geat ožžot ruoná doarjaga galget fuomášahttit ahte FeFo lea addán doarjaga.

Buot heivehandoaimmat biddjojit www.godtur.no:i ja merkejuvvojit “FeFo lea dorjon“.

Mearrádusaid mat gusket ruoná ruhtajuolludemiide ii leat vejolaš váidit.

 

Stivraášši 27-2010, áššenr. 09/01406. ​Mearriduvvon FeFo stivrras njukčamánu 23.-24. b. 2010.